Hingoli : विरोधकांना संपविण्याचे भाजपचे षडयंत्र ; सातव | Sakal
sakal

बोलून बातमी शोधा

aundha

Hingoli : विरोधकांना संपविण्याचे भाजपचे षडयंत्र ; सातव

औंढा नागनाथ : सत्तेसाठी हापापलेल्या भाजपने विरोधकांना संपविण्यासाठी नैतिक पातळी सोडली असून, षडयंत्र रचले आहे. पण, सत्य परेशान हो सकता है, पराजित नाही, असे प्रतिपादन करताना भाजप सरकारने कितीही चौकशा आणि आरोप लावले तरीही सोनिया गांधी आणि राहुल गांधी हे निर्दोष आहेत, हेच सिद्ध होईल. असा विश्वास आमदार प्रज्ञाताई सातव यांनी व्यक्त केला.

सोनिया गांधी यांची ईडीमार्फत होत असलेल्या चौकशीच्या निषेधार्थ बुधवारी काँग्रेस पक्षाच्या वतीने औंढा नागनाथ येथे निदर्शने करण्यात आली. यावेळी आमदार डॉ. प्रज्ञा सातव यांनी भाजपवर कडाडून टीका केली. काँग्रेस नेत्या सोनिया गांधी यांच्या विरोधात ईडीचा वापर करून गेल्या दोन दिवसांपासून त्यांची चौकशी करण्यात येत आहे. चौकशीच्या माध्यमातून विरोधकांचा आवाज दाबण्याचे काम भाजप करीत आहे. परंतु, या दबावाला आम्ही कधीही बळी पडणार नाहीत. या देशाच्या लोकशाहीसाठी संपूर्ण काँग्रेस पक्ष आणि जनता सोनिया गांधी यांच्या पाठीशी खंबीरपणे उभी आहे. भाजपने कितीही शक्ती लावली तरी सर्वसामान्य जनतेच्या न्यायासाठी आम्ही कायम उभे आहोत, असेही त्यांनी सांगितले.

काँग्रेस जिल्हा कार्याध्यक्ष मुनीर पटेल यांच्यासह नगरसेवक अज्जु इनामदार अजीज कादरी, सुरेश जावळे, अरुणा देशमुख, स्वाती वाखरकर, केशवराव नाईक, विलास गोरे, नगरसेविका कुंताबाई गोबाडे, युवक काँग्रेस अध्यक्ष बालाजी कर्डिले, काँग्रेस अनुसूचित जाती सेलचे जिल्हाध्यक्ष सुमेध मुळे, बाळू देशमुख, पंकज जाधव, विक्की देशमुख, भोलासिंग दरोगा, संतोष साबळे, विठ्ठल जाधव, अक्षय डाखोरे, बंडू काळे, ज्योती धुळे, फारुख पठाण, शेख अनिस, मारोती शिंदे, संभाजी बेले, प्रवीण सरकटे उपस्थित होते.

Web Title: Hingoli Bjp Conspiracy Eliminate Opposition Seventh

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..