हिंगोलीत दोनदिवसीय हॉकी क्रीडा स्पर्धा होणार | Sakal
sakal

बोलून बातमी शोधा

Hockey Tournament

हिंगोलीत दोनदिवसीय हॉकी क्रीडा स्पर्धा होणार

हिंगोली : राष्ट्रीय ज्युनिअर व सबज्युनिअर नेहरू कप हॉकी क्रीडा स्पर्धा दोन सप्टेंबर ते नऊ ऑक्टोबर या कालावधीत शिवाजी स्टेडिअम, नवी दिल्ली येथे होणार आहेत. या पार्श्वभूमीवर जिल्हास्तरीय शालेय नेहरु कप हॉकी स्पर्धेचे आयोजन येथील संत नामदेव पोलिस कवायत मैदानावर ता. ११ व १२ ऑगस्ट रोजी सकाळी १०.३० वाजता करण्यात आले आहे. यासाठी क्रीडा व युवक सेवा संचालनालय, महाराष्ट्र राज्य पुणे व जिल्हा क्रीडा अधिकारी कार्यालयाने पुढाकार घेतला आहे.

स्पर्धेची प्रवेशिका ता. आठ ऑगस्ट र्यंत जिल्हा क्रीडा अधिकारी कार्यालय, जिल्हा क्रीडा संकुल, लिंबाळा मक्ता, ता. जि. हिंगोली येथे कार्यालयीन वेळेत स्वीकारण्यात येतील. प्रवेशिका दाखल करताना प्रवेशिकेसोबत खेळाडूंचे परिपूर्ण भरलेले ओळखपत्र, आधारकार्ड, जन्म दाखला इत्यादी असणे आवश्यक आहे. या स्पर्धेत सहभागी होण्यासाठी १५ वर्षे मुले (सब ज्युनिअर) या वयोगटातील खेळाडूंचा जन्म ता. एक नोव्हेंबर २००७ किंवा त्यानंतर जन्मलेला असावा. १७ वर्षे मुले व मुली (ज्युनिअर) या वयोगटातील खेळाडूंचा जन्म ता. एक नोव्हेंबर २००५ किंवा त्यानंतर जन्मलेला असावा. १५ वर्षे मुले (सब ज्युनिअर), १७ वर्षे मुले (ज्युनिअर) व १७ वर्षे मुली (ज्युनिअर) या तिन्ही गटांसाठी प्रती गट १६ याप्रमाणे खेळाडूंची संख्या आहे. या स्पर्धेत जिल्ह्यातील खेळाडू व संघानी सहभाग नोंदवावा, असे आवाहन जिल्हा क्रीडा अधिकाऱ्यांनी केले आहे.

Web Title: Hingoli Hockey Sports Tournament Two Day

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..