.jpg?rect=0%2C0%2C1200%2C675&w=480&auto=format%2Ccompress&fit=max)
A domestic dispute in Hingoli district leaves a pregnant woman dead, her mother seriously injured and her husband also dead.
कळमनुरी: कौटुंबिक वादातून पतीने केलेल्या बेदम मारहाणीत चार महिन्यांच्या गर्भवती पत्नीचा मृत्यू झाला. त्यानंतर पतीने गळफास घेऊन आत्महत्या केल्याची घटना खरवड (ता. कळमनुरी) येथे उघडकीस आली. दरम्यान, जावयाच्या मारहाणीत सासू गंभीर जखमी झाली आहे.
पोलिस सूत्रांनी दिलेल्या माहितीप्रमाणे, खरवड येथील प्रभाकर पाईकराव यांनी आपली मुलगी दीपाली (वय २४) हिचा सहा महिन्यांपूर्वी धानोरा जहांगीर (ता. कळमनुरी) येथील विशाल डोंगरे यांच्यासोबत पुनर्विवाह लावून दिला होता. दीपालीची पहिली चार वर्षांची मुलगी तिच्या आजोळी राहत होती. पुनर्विवाहानंतर दीपाली धानोरा जहांगीर येथे सासरी आली होती. दरम्यान, तब्बेत बिघडल्याने विशाल डोंगरे हा दोन दिवसांपूर्वी उपजिल्हा रुग्णालयात दाखल झाला होता.
