हिंगोली : बळसोंड ग्रामपंचायतने दडवून ठेवलेल्या २१५ निर्धूर चुलीतून निघाला धूर; काय आहे प्रकरण वाचा ?

हिंगोली : अंतुलेनगर येथील जिल्हा परिषद शाळेलगत असलेल्या एका खोलीत शेगड्या असल्याचे पाहणी दरम्यान आढळून आल्याने पप्पू चव्हाण यांनी तातडीने ग्रामसेवकाना माहिती दिली. अन ग्रामपंचायतने पंचनामा करुन २१५ निर्धूर चुलीच्या शेगड्या मंगळवारी (ता. नऊ) जप्त केल्या.

अंतुलेनगर येथील जिल्हा परिषद शाळेच्या आवारात असलेल्या ग्रामपंचायत सभागृहाची नवनियुक्त ग्रामपंचायत सदस्य पप्पू चव्हाण यांच्यासह सदस्यांनी मंगळवारी अचानक पाहणी केली असता त्यात निर्धूर शेगड्या आढळून आल्याने एकच खळबळ उडाली आहे. दरम्यान, पंचायत समिती अंतर्गत गावातील गोरगरीब कुटुंबाना शासना अंतर्गत अंदाजे पाचशे शेगड्या आल्या होत्या. त्यापैकी काही शेगड्या तत्कालीन ग्रामपंचायत सरपंचाने जवळीक असणाऱ्या कुटुंबाला काही मोबदल्यात उर्वरित निर्धूर  शेगड्या वाटप न करताच एका ग्रामपंचायतच्या मालकी हक्काच्या खोलीत दाबून ठेवल्या होत्या.

हेही वाचा - परभणी : सेंद्रिय पद्धतीने पेरुच्या यशस्वी लागवडीतून भरघोस उत्पन्न; मेघा सावंतची धडपड

मंगळवारी बळसोंड भागातील भाजपच्या काही कार्यकर्त्याना ही माहिती मिळाली. मालकी हक्क गाजवत असलेल्या माजी सरपंचाला गाठून त्या घराचे लॉक उघडण्यास सांगितले, परंतू त्यांनी नकार देतात भाजपच्या कार्यकर्त्यांचा पारा चढला यानंतर कार्यकर्त्यांनी खिडक्या तोडून आत प्रवेश केला असता दडवून ठेवलेल्या २१५ निर्धूर शेगड्याचे बिंग फुटले, यावेळी माजी सरपंच व भाजपच्या कार्यकर्त्यांत धूमचक्री उडाली. ग्रामपंचातमध्ये पाच साक्षीदारासमोर हिंगोली ग्रामिण पोलिसांनी पंचनामा केला. मात्र याप्रकरणी कोणतीही तक्रार अद्यापपर्यंत झाली नव्हती.

संपादन- प्रल्हाद कांबळे