औंढा नागनाथ : देशातील १२ ज्योतिर्लिंगापैकी एक असलेल्या आठव्या ज्योतिर्लिंगाचे दर्शन घेण्यासाठी पहील्या श्रावण सोमवारी ता.एक भाविकांनी मोठ्या प्रमाणात गर्दी केली होती.कोरोना काळ संपल्यानंतर श्रावणातील पहीलाच सोमवार आसल्याने लाखो भाविकांनी श्री च्या दर्शनाचा लाभ घेतला.
ज्योतिर्लिंग श्री नागनाथ मंदिरात भाविकांनी रविवारी रात्रीपासूनच गर्दी केली होती. उत्तर भारतातील दिल्ली, मध्य प्रदेश, गुजरात या ठिकाणांचा श्रावणातील शेवटचा श्रावण सोमवार असल्याने या भागातील भाविकांनी आवर्जून हजेरी लावली होती. तसेच महाराष्ट्रातूनही दूरवरून भाविक दर्शनासाठी आले होते.पहील्या श्रावणातील सोमवारी मंदिरात श्रींची महापूजा देवस्थानचे अध्यक्ष तथा तहसिलदार डाँ कृष्णा कानगुले यांनी भल्यापहाटे दोन वाजता केल्यानंतर मंदिर उघडण्यात आले. त्या नंतर भाविकांच्या दर्शनासाठी रांगा लागल्या होत्या.
सध्या पाऊस कधी पडतोय तरी पण अनेक भाविक अनवाणी पायांनी मंदिरात दाखल झाले होते.सकाळी संस्थानच्या वतीने प्रसाद म्हणून उसळ वाटप करण्यात आली.श्री च्या दर्शनासाठी दिवसभर भाविकांची गर्दी होती.त्यामुळे मंदिराच्या आत भाविक तर आवाराच्या पार्किंगमध्ये मोठ्या प्रमाणात वाहने दाखल झाली होती. बम बम भोले' 'श्री नागनाथ महाराज की जय' या जयघोषाने मंदिर दणाणून गेले. श्री नागनाथ प्रभूंच्या महापूजेची आवर्तने पद्माक्ष पाठक, तुळजादास भोपी, बंडू पंडित ,जिवन रुषी,आबागुरु बल्लाळ यांनी आवर्तने म्हटली. यावेळी नागनाथ मंदिरामध्ये दिवसभर देवस्थानचे अधिक्षक वैजनाथ पवार,व्यवस्थापक सुरेद्र डफळ,एस उदगीरे,बापुराव देशमुख , नागेश माने, कृष्णा पाटील आदींची उपस्थिती होती.
ज्योतिर्लिंग नागेश्वराचे दर्शन घेण्यासाठी गर्भगृहात जाऊनच दर्शन घ्यावे लागत असल्याने आणि आत जाणे व बाहेर येण्यासाठी एकच रस्ता असल्याने आलेल्या भाविकांना दर्शनासाठी वेळ लागत होता. एका भाविकाला दर्शनासाठी ३ ते ४ तास लागत होते.तरी ही भाविकांनी शांततेत श्रींचे दर्शन घेतले. जिल्हा पोलीस अधिक्षक राकेश कलासागर ,उपविभागीय पोलीस अधिकारी विवेकानंद वाखारे यांच्या मार्गदर्शनाखाली पोलीस निरीक्षक विश्वनाथ झुंजारे ,सहाय्यक पोलीस निरीक्षक अनिल लांडगे ,पोलीस उपनिरीक्षक मुंजाजी वाघमारे सुवर्णा वाळके यांनी कडक बंदोबस्त ठेवला होता. यावेळी देवस्थानने सुरक्षा गार्डची नेमणूक केली होती. दर्शनासाठी विविध राज्यातून तसेच हिंगोली परभणी नांदेड येथील भाविकांनी दर्शनासाठी गर्दी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.