हिंगोली : महिलांनी लघु उद्योग सुरू करून स्वावलंबी बनावे; कृषिमंत्री भुसे | Sakal
sakal

बोलून बातमी शोधा

कृषीमंत्री दादा भुसे

हिंगोली : महिलांनी लघु उद्योग सुरू करून स्वावलंबी बनावे; कृषिमंत्री भुसे

औंढा नागनाथ: प्रत्येक महिला बचत गटाला बँकेमार्फत कर्ज दिले जाईल. त्यामुळे महिलांनी बचत गटामार्फत बँकेतून कर्ज घेऊन लघु उद्योग सुरु करावा आणि त्यातून स्वावलंबी बनावे, असे आवाहन कृषीमंत्री दादा भुसे यांनी गुरुवारी (ता. २१) केले. गोळेगाव येथे वसंतराव नाईक मराठवाडा कृषी विद्यापीठातंर्गत येणाऱ्या कृषि महाविद्यालयाच्या इमारतीचे उद्‍घाटन श्री. भुसे यांच्या हस्ते झाले. त्यानंतर आयोजित महिला शेतकरी परिसंवादात ते बोलत होते. अध्यक्षस्थानी कुलगुरू डॉ.अशोक ढवण होते तर प्रमुख पाहुणे म्हणून आमदार डॉ. राहुल पाटील, तहसीलदार डॉ. कृष्णा कानगुले, जिल्हा परीषद सदस्य अकुंश आहेर, नायब तहसीलदार वैजनाथ भालेराव, संचालक शिक्षण तथा अधिष्ठाता डॉ. धर्मराज गोखले, विद्यापीठ अभियंता दिगंबर पोतरे, प्राचार्य डॉ भगवान आसेवार आदींची उपस्थिती होती.

यावेळी श्री. भुसे म्हणाले की, महिलांनी बचत गटामार्फत लघु उद्योग सुरु करावा व महिलांना बाजार पेठेमध्ये लघु उद्योगातून तयार केलेला माल विक्रीसाठी स्वतंत्र जागा दिली जाईल. त्यासाठी प्रत्येक महिलांनी स्वावलंबी बनणे गरजेचे असल्याचे त्यांनी सांगितले. तसेच शेतकऱ्यांना खताचा तुटवडा होऊ दिला जाणार नाही. शेतकऱ्यांच्या शेतामधील वन्य प्राण्यापासून होणारे नुकसान टाळण्यासाठी प्रत्येक शेतकऱ्यांनी शेतीच्या कडेला काटेरी झाडे लावून वन्य प्राण्यांपासून आपले पीक वाचण्यासाठी प्रयत्न करणे गरजेचे आहे. तसेच बँकेमध्ये बचत गटाच्या महिलांना सन्मानाची वागणूक दिली पाहिजे, असेही त्यांनी सांगितले. प्रास्ताविक व सूत्रसंचालन प्रा. डॉ. संतोष वाघमारे यांनी केले तर प्रा. पुंडलीक वाघमारे यांनी आभार मानले.

Web Title: Hingoli Women Self Reliant Agriculture Minister Bhuse

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top