कृषीपंप ग्राहकांनी चालू वर्षाचा वीज भरणा न केल्यास वीज पुरवठा होणार खंडित

हिंगोली : जिल्ह्यातील ७५ हजार २५९ कृषी पंप ग्राहकाकडे सप्टेंबर २०२० अखेर चालू वर्षाचे ३१३३.५५ लाख वीज देयक आहे. त्यामुळे कृषी पंप ग्राहकांनी विजबिलाचा भरणा न केल्यास वीज पुरवठा खंडित करण्याचा इशारा वीज वितरण कंपनीने दिला आहे.

ताज्या बातम्यांसाठी डाऊनलोड करा ई-सकाळचे ऍप 

यामध्ये औंढा तालुक्यात १२ हजार २५८ ग्राहकाकडे ५४७.०६ थकीत रक्कम आहे. तर वसमत तालुक्यात २१ हजार ६८१ ग्राहकाकडे ९६६.५२ लाख रुपयांची थकबाकी आहे. हिंगोली तालुक्यात १२ हजार ४२५ ग्राहकाकडे ४४५.८३ लाख रुपयांची रक्कम थकीत आहे. कळमनुरी तालुक्यात १४ हजार ०५२ ग्राहकाकडे ५१२.१२लाख रुपयांची वीज देयक थकीत आहेत.

उर्जामंत्री साहेब लाईट तोङली; प्यायला पाणी द्या, मुक्या जनावरांच्या गळ्यात शेतकऱ्याने बांधले फलक

सेनगाव तालुक्यात १४ हजार ८४३ कृषी ग्राहकाकडे ६६२.०२ लाख वीज देयक भरणा आहे. त्यासाठी कृषी पंप धारकांनी चालू वर्षाचे वीज देयके भरणा करून महावितरण कंपनीस सहकार्य करण्याचे आवाहन अधीक्षक अभियंता सुधाकर जाधव यांनी केले आहे. अन्यथा वीज देयके भरणा न केल्यास तात्पुरत्या स्वरूपात वीज पुरवठा खंडित केला जाणार आहे. आता वीज वितरण कंपनी धडक मोहीम तालुका निहाय सुरु केली आहे. त्यामुळे सहकार्य करण्याचे आवाहन देखील त्यांनी केले आहे.