हिंगोली : अवैध गुटखा विक्रेते पोलिसांच्या जाळ्यात | Sakal
sakal

बोलून बातमी शोधा

Illegal gutkha seized by balapur police Two accused arrested

हिंगोली : अवैध गुटखा विक्रेते पोलिसांच्या जाळ्यात

आखाडा बाळापूर : नांदेड येथून हिंगोली कडे मधल्या मार्गाने एका कारमध्ये शासनाने बंदी घातलेल्या अवैध गुटखा चोरट्या मार्गाने विक्री करण्यासाठी नेत असताना, बाळापुर पोलीसांनी चिखली शिवारात स्विफ्ट कार तसेच अवैध गुटखा पोलिसांनी पकडून आठ लाख २३ हजार ३८० रुपयांचा मुद्देमाल जप्त करून दोन आरोपींना अटक करण्याची कार्यवाही शुक्रवारी केली आहे.

याबाबत अधिक माहिती अशी की आखाडा बाळापुर पोलीस ठाण्याचे सहाय्यक पोलीस निरीक्षक पंढरीनाथ बोधनापोड यांना गुप्त माहिती मिळाल्याने त्यांनी नांदेड नागपूर या राष्ट्रीय महामार्गावरून चिखली शिवारामधुन मधल्या मार्गाने जाणाऱ्या कार क्रमांक एम एच ०४ जीडी ३३२० ला थांबून विचारपूस केली असता गाडीमध्ये शासनाने बंदी घातलेले अवैध गुटखा पुड्याचे बॉक्स त्याची किंमत तीन लाख २२ हजार रुपये व इतर १३८० रुपये व स्विफ्ट कार पाच लाख रुपये असा एकूण आठ लाख २३ हजार ३८० रुपयाचा मुद्देमाल जप्त करून आरोपींना अटक करण्यात आली आहे.

याबाबत आखाडा बाळापुर पोलिस स्थानकामध्ये सहाय्यक पोलीस निरीक्षक पंढरीनाथ बोधनापोड यांच्या फिर्यादीवरून रसूलखान सिकंदर खान व शेख रसूल शेख मुजीब दोन्ही रा. हिंगोली या दोन आरोपींविरुद्ध गुन्हा दाखल करण्यात आला आहे. पुढील तपास वरिष्ठांच्या मार्गदर्शनाखाली जमादार शेख बाबर हे करीत आहेत.

Web Title: Illegal Gutkha Seized By Balapur Police Two Accused Arrested

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top