परळी वैजनाथ : गोरक्षण सेवा संघाच्या वतीने नगर परिषदेसमोर गेल्या सहा दिवसांपासून उपोषण सुरू होते. या उपोषणाच्या समर्थनार्थ शनिवारी (ता. ८) सकल हिंदू समाज रस्त्यावर उतरला..त्यानंतर नगरपरिषदेच्या मुख्याधिकाऱ्यांनी आश्वासन देत शहरातील अवैध कत्तलखाने सील करण्यात येतील, असे आश्वासन दिले. शिवाय यावर तातडीने कारवाई करण्यात आली असून अवैध कत्तलखाना सील करण्यात आला आहे..शहरात अवैध कत्तलखाना सुरू असुन तो कत्तलखाना उद्ध्वस्त करून टाका, अशा प्रकारची मागणी गोरक्षण सेवा समितीने केली होती. नगर परिषदेने शहरात कोणत्याही कत्तलखान्याला अधिकृत परवानगी दिलेली नसल्याची बाब स्पष्ट केलेले होती..तरीही अवैधरीत्या हा कत्तलखाना सुरू असल्याचे दिसत होते. हा कत्तलखाना बंद करण्यासह गोहत्या बंदी कायद्याची कडक अंमलबजावणी करावी, अशी मागणी करत सहा दिवसांपासून तीन गोरक्षकांनी नगरपरिषद कार्यालयासमोर उपोषण सुरू केले होते. सहाव्या दिवशी उपोषणकर्त्यांची प्रकृती खालावल्याचेही दिसून आले..याच अनुषंगाने परळीतील सकल हिंदू समाज बांधव मोठ्या संख्येने या उपोषणाला पाठिंबा देण्यासाठी रस्त्यावर उतरले होते. राणी लक्ष्मीबाई टावर चौकापासून ते नगरपरिषद कार्यालयापर्यंत हा मूक मोर्चा जाऊन धडकला. पशुसंवर्धन मंत्री पंकजा मुंडे यांनीही संवाद साधून उपोषण मागे घेण्याबाबत मध्यस्थी केली..तसेच त्यांच्या मागण्यांच्या अनुषंगाने तातडीने योग्य ती कारवाई करावी, अशा प्रकारचे निर्देश प्रशासनाला दिले. त्यानंतर लेखी आश्वासनाचे पत्र नगरपरिषद मुख्याधिकाऱ्यांनी उपोषणकर्त्यांना दिले. या उपोषणकर्त्यांना पुढील उपचारासाठी उपजिल्हा रुग्णालयात दाखल करण्यात आले आहे..Hampi Crime : इस्रायली महिलेसह दोघींवर अत्याचार; कर्नाटकातील घटना.अवैध कत्तलखाना जमीनदोस्त होणारमुख्याधिकारी त्रिंबक कांबळे यांनी तातडीने पावले उचलत अवैध कत्तलखाना बंद करण्याची कारवाई केली. जिल्हाधिकाऱ्यांची मंजुरी मिळाल्यानंतर हा कत्तलखाना पाडला जाईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
