जालना जिल्हाधिकाऱ्यांचा खासगी हॉस्पिटलला दणका, एक लाख ९३ हजार जमा करण्याचे आदेश

जालना : खासगी रुग्णालयात कोविड रूग्णांवर उपचार करताना शासनाने दर ठरवून दिले आहेत. मात्र, जालना शहरातील असलेल्या विवेकानंद हॉस्पीटलने शासनाने ठरवून दिलेल्या दरांपेक्षा अधिकची रक्कम रुग्णांकडून घेतल्याचे तपासणी दरम्यान आढळुन आले आहे. त्यामुळे रुग्णांकडून अधिक बिल घेतलेले एक लाख ९३ हजार ९८६ रुपये मुख्यमंत्री सहायता निधीमध्ये जमा करण्याचे आदेश जिल्हाधिकारी रवींद्र बिनवडे यांनी विवेकानंद हॉस्पीटल प्रशासनाला सोमवारी (ता.सात) दिले आहेत.

वकिलानांच करावे लागले निदर्शने, न्यायालये पूर्ण क्षमतेने सुरु करण्याची मागणी

जालना जिल्ह्यातील विविध रुग्णालयांमध्ये नागरिक मोठ्या प्रमाणात विविध उपचारांसाठी जातात. कोरोना या महामारीच्या काळामध्ये कोविड हॉस्पीटलमध्ये सुद्धा रुग्ण मोठ्या प्रमाणात उपचार घेत आहेत. महात्मा ज्योतिबा फुले जनआरोग्य योजना व प्रधानमंत्री जनआरोग्य योजनेअंतर्गत रुग्णांना योग्य उपचार व योजनेच्या लाभाची अंमलबजावणी व्यवस्थीत होत आहे कि नाही याची तपासणी करण्यासाठी जिल्ह्यातील ११ रुग्णांलयामध्ये जिल्हाधिकारी रवींद्र बिनवडे यांनी तपासणी पथकाची स्थापना केलेली आहे.

कचऱ्याप्रमाणे व्हेंटीलेटर जिल्ह्यात टाकू दिले, खासदार जलील असे का म्हणाले?

दरम्यान शहरातील विवेकानंद हॉस्पीटलमध्ये रुग्णांकडून बिलाची अतिरिक्त रक्कम घेतली जात असल्याची तक्रारी प्राप्त झाल्या होत्या. त्यामुळे तपासणी पथकाकडून या रूग्णालयांच्या बिलांची तपासणी केली असता रुग्णालयाने शासनाने ठरवून दिलेल्या दरापेक्षा अतिरिक्त बिलाची रक्कम आकारल्याचे स्पष्ट झाले. त्यामुळे जिल्हाधिकारी श्री.बिनवडे यांनी तातडीने आदेश पारित करत अतिरिक्त बिलाची एक लाख ९३ हजार ९८६ रुपये मुख्यमंत्री सहायता निधीमध्ये जमा करण्याचे निर्देश दिले आहेत. तसेच आदेशाचे पालन न केल्यास आपत्ती व्यवस्थापन अधिनियम २००५ चे कलम ५१ आणि भांदवि १८६० चे कलम १८८ नुसार कारवाई करण्याचा इशाराही जिल्हाधिकारी श्री.बिनवडे यांनी दिला आहे.

(संपादन - गणेश पिटेकर)