Jalna News
esakal
जालना: पावसाळ्यापूर्वी शहरातील मोठ्या नाल्यांची सफाई केली जाते. मात्र, मागील दोन वर्षांपासून शहरातील ५८ नाल्यांची सफाईचे काम जून महिन्यात हाती घेतले जात होते. परिणामी मोठा पाऊस झाल्यानंतर दुकानांसह घरांमध्ये पाणी शिरते. याची प्रचिती गतवर्षी आल्यानंतर यंदा महापालिकेच्या अंदाजपत्रकामध्ये मोठ्या नाल्यांच्या सफाईसाठी ३५ लाखांची तरतूद करण्यात आली असून एप्रिल अखेर निविदा प्रक्रिया पूर्ण करून मे महिन्यात नाले सफाईचे काम सुरू होणार आहे.