Jalna : दिवाळीनिमित्त कापड बाजारात उत्साह

जालना : दिवाळीचा सण काही दिवसावर आला असून कापड बाजारात खरेदीसाठी नागरिकांची पसंती दिसून येत आहे. मागील वर्षापेक्षा यंदा ऐन हंगामात कपड्यांच्या किमतीत किमान वीस टक्क्यांनी वाढ झाली असल्याचे व्यापारी सांगतात.

नवीन व जुना जालन्यातील कापड बाजारात दिवाळी सणाचा मोठा उत्साह दिसून येत आहे. शहरातील पन्नास पेक्षा अधिक होलसेल कपड्यांच्या दुकानात व्यावसायिक कापड खरेदीसाठी दिसून येत आहे. शहरातील कापड बाजार, शनिमंदिर चौक, सतकर कॉम्प्लेक्स परिसरातील रेडिमेड कपडे दुकानात खरेदीसाठी नागरिक दिसून येत आहे.

बाजारात महिलांच्या विविध फॅशनच्या साड्या,लहान मुलांचे रेडिमेड कपड्यांचा मोठी पसंती दिली जात आहे. मागील वर्षापेक्षा यंदा कापड बाजारात वीस टक्क्यांनी दरवाढ झाली असल्याचे व्यापाऱ्यांनी सांगितले. कापड उद्योगात उत्पादन खर्च, कच्चा मालाचे वाढलेले दर यासह डिझेल पेट्रोलचे सतत वाढणाऱ्या दरामुळे वाहतूक खर्चात मोठी वाढ झाल्याने किमतीत वीस ते पंचवीस टक्के वाढ झालेली असल्याचे कापड व्यापारी सांगतात.

कापड बाजारात लहान मुलांचे रेडिमेड कपडे, मुलीच्या कपड्यात ‘गरारा, लाचा, प्लाझो ,ट्रेन्स अशा फॅशनचे कपड्यांना अधिक मागणी आहे. कपड्यात नेहरू शर्ट, कुर्ता पायजमा, यासह युवकांमध्ये ‘शॉर्ट कुर्ता’ फॅशन अधिक दिसून येत आहे.

विविध साड्यांचे दर

प्युअर सिल्क ३ ते ५ हजार

साऊथ पॅटर्न साडी २२०० ते ७ हजार

सॉफ्ट सिल्क साडी १५०० ते ४ हजार

कॉटन डिझायनर साडी१ हजार ते ६ हजार

होलसेल कापड येतो येथून

इचलकरंजी,सोलापूर येथे धोतर

उपरणे येतात आंध्रप्रदेश येथून

सूरत,इंदूर येथून विविध प्रकारच्या साड्या

अहमदाबाद, मुंबई, उल्हासनगर, इंदूर,तामिळनाडूतून रेडिमेड कपडे