कृषि कायद्यांविरोधात जाफराबाद येथे चक्का जाम आंदोलन

jafarabad
jafarabad

जाफराबाद (जालना): मागील काही दिवसांपासून केंद्र सरकारने संसदेत पारित केलेल्या कृषी कायद्यांविरोधात देशभर संतोष व्यक्त केला जात आहे. पंजाबचे शेतकरी दिल्लीच्या वेशीवर मागील अडीच महिन्यांपासून तळ ठोकून आहेत. दिवसेंदिवस दिल्लीकडे येणाऱ्या शेतकऱ्यांची संख्या वाढतच चालली आहे. विरोधकांनी सत्ताधाऱ्यांना कृषी कायद्याच्या मुद्द्यावरुन घेरण्याचा प्रयत्न सुरु केला आहे.

इकडे महाराष्ट्रातही ठिकठिकाणी कृषी कायद्यांविरोधात आंदोलने होत आहेत. कृषी कायदे रद्द करण्यासाठी देशातील शेतकरी संघटनांनी 6 तारखेला देशव्यापी चक्का जाम आंदोलनाची हाक दिली आहे. याला पाठिंबा देण्यासाठी जाफराबाद येथे शिवाजी चौकात चक्का जाम आंदोलन करण्यात आले.

केंद्र सरकारच्या विरोधात घोषणा देत कृषि कायदे रद्द करण्याची मागणी करण्यात आली. यावेळी जि. प. अध्यक्ष ऊत्तमराव वानखेडे, कांग्रेसचे तालुकाध्यक्ष सुरेश गवळी, नगरसेवक बाळकृष्ण हिवाळे, उपनगराध्यक्ष शेख मुजीब, दिपक बोराडे, कुंडलिक मुठठे, साबेद चाऊस, ॲड. विनोद डिगे उपस्थित होते.

(edited by- pramod sarawale)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com