Jalna Maratha protest : जालन्यात दगडफेक करणाऱ्या दोन हजार जणांवर गुन्हे

जालना - शहरातील अंबड चौफुली येथे रास्तारोको आंदोलनादरम्यान दगडफेक आणि जाळपोळ करणाऱ्या तीन ते दोन हजार जणांवर तालुका जालना पोलिस ठाण्यात शनिवारी (ता.दोन) रात्री उशिरा गुन्हा दाखल करण्यात आला आहे.

अंतरवाली सराटी येथे मराठा आरक्षणासाठी आंदोलन करणे आंदोलकांवर झालेल्या लाठीमाराच्या निषेधार्थ शनिवारी (ता.दोन) जालना बंदची हाक देण्यात आली होती. शिवाय अंबड चौफुली येथे रास्तारोको आंदोलनाचे आयोजन ही करण्यात आले होते.

त्यानुसार शनिवारी सकाळ अंबड चौफुली येथील रास्तारोको आंदोलनासाठी समाज बांधव मोठ्या संख्येने दाखल झाले. मात्र, या जमाव अनियंत्रित झाल्याने पोलिसांवर आंदोलकांनी दगडफेक केली. शिवाय एक ट्रक, कार आणि एक भंगाराचे दुकान ही जाळले.

शिवाय अनेक खाजगी वाहनांची तोडफोड केली. या प्रकरणी शनिवारी रात्री उशिरा पोलिस कर्मचारी सुनील गांगे यांच्या फिर्यादीवरून आंदोलनाचे आयोजन करणारे अखिल भारतीय मराठा महासंघ जिल्हाध्यक्ष अरविंद देशमुख, अशोक पडुळ, विश्वरभर तिरुखे, देवकर्ण वाघ, राधाकिसन शिंदे, संदीप लांडगे यांच्यासह एक हजार ५०० ते दोन हजार जणांवर तालुका जालना पोलिस ठाण्यात गुन्हे दाखल करण्यात आले आहे.

आम्ही शांतते अंबड चौक येथे आंदोलन करत होतो. या रस्तारोको आंदोलनासंदर्भात तीन दिवसांपासून माहिती सोशल मीडियावर कायदा हातात न घेण्याचे अवाहण केले आहे. दोन तास आंदोलन केल्यानंतर तहसीलदार यांना महिलांच्या हस्ते निवेदन दिले. त्यांना गाडीमध्ये सुरक्षा बनवून पाठवले. तेथेचे आम्ही आंदोलन समाप्त झाले जाहीर केले होते. आम्ही तिथून निघून गेल्यानंतर हेतू पुरस्कार काही लोकांनी आंदोलनाला गालबोट लावले. याचे खापर पोलिसांनी आमच्यावर फोडले असून गुन्हे दाखल केले.

- अरविंद देशमुख, जिल्हाध्यक्ष, मराठा महासंघ, जालना.