Jalna News : मराठा आरक्षणासाठी अर्धनग्न आत्मक्लेश

अंकुशनगर - मराठा समाजाच्या आरक्षणासाठी उपोषणाला बसलेल्या मनोज जरंजे यांना पाठिंबा देण्यासाठी १४५ किलोमिटर अंतर पायी अर्धनग्न आत्मक्लेश करत असलेल्या युवकांनी मनोज जरांगे यांच्यासमोर भावनिक होत व्यक्त करत पाठिंबा दिला.

सिल्लोड या ठिकाणाहुन १० ते १५ युवक हे अर्धनग्न आत्मक्लेश यात्रा काढून मनोज जरंजे यांच्या मराठा समाजाला आरक्षण द्यावे.

या मागणीसाठी उपोषणाला बसलेल्या मनोज जरांगे यांना भेटून आपला पाठिंबा देण्यासाठी अंतरवाली सराटी येथे आले. त्यांचा प्रवास सिल्लोड व अंतरवाली सराटीपर्यंतचा १४५ किलोमीटरचा पायी प्रवास होता.

सिल्लोडवरुन टाकळी कोलते, बदनापूर, रोहिलागड अंतरवाली सराटी येथे येऊन त्यांनी जरांगे यांच्यासमोर अर्धनग्न अवस्थेत अक्षरशः लोटांगण घातले. त्यांनी श्री. जरांगे यांची भेट घेतली. या प्रवासादरम्यान रस्त्यात लोकांनी त्यांची चहा-पाणी, जेवणाची व्यवस्था केली होती.