जिंतूर : येलदरी धरणात ८७ तर करपऱ्यात ६४ टक्के साठा

जिंतूर : पूर्णा पाटबंधारे विभागाच्या जिंतूर तालुक्यातील येलदरी धरणात गुरुवारी (ता. १८) दुपारपर्यंत ८७.६५ टक्के आणि जायकवाडी पाटबंधारे विभागाच्या (क्रमांक २) निवळी (खुर्द) येथील करपरा मध्यम प्रकल्पात ६४ टक्के पाणीसाठा उपलब्ध आहे. येलदरी धरणाची पाणसाठवण क्षमता ९३४.४४० दशलक्ष घनमीटर असून, गुरुवारी सकाळी ८३४.२६३ पाणीसाठा उपलब्ध आहे. पैकी ७०९.५९३ उपयुक्त पाणीसाठा उपलब्ध आहे.

ज्याची टक्केवारी ८७.६५ एवढी आहे. गतवर्षी याच तारखेला ७७.३७ उपयुक्त पाणीसाठा होता.तर जायकवाडी पाटबंधारे विभागाच्या (क्र. २) निवळी-खुर्द (ता. जिंतूर) येथील उपविभागीय कार्यालय अंतर्गतच्या करपरा मध्यम प्रकल्पाची पाणीसाठवण क्षमता ४२६.५७ दशलक्ष घनमीटर असून, प्रकल्पात १९.९७७ दशलक्ष घनमीटर पाणीसाठा उपलब्ध आहे. जो ६४ टक्के आहे.