Dharashiv News
esakal
धाराशिव: रब्बी हंगामातील ज्वारीचा दाणा घरात येत असतानाच, यंदा कडब्यानेही शेतकऱ्यांना चांगलाच आर्थिक आधार दिला आहे. गेल्या वर्षीच्या तुलनेत कडब्याचे दर यंदा दीडपटीने वाढले असून, कडबा बाजारात प्रतिक्विंटल ८०० ते ११५० रुपयांपर्यंत भाव पोहोचले आहेत. पावसाळी टंचाईच्या धास्तीने पशुपालक आताच शेतातून जागेवरच शेकडा पेंडीप्रमाणे कडबा खरेदी करीत असून, रानोमाळ कडब्याच्या गंजी लावण्याची लगबग पाहायला मिळत आहे.