Latur Jowar Price News: भाकरीची चवही महाग; ज्वारी सहा हजाराला क्विंटल, किलोमागे ६० ते ७० रुपये.

जळकोट: बाजारात ज्वारीची आवक कमी असून भाव वाढू लागले आहेत. सध्या ज्वारीला ६ हजार रुपये प्रतिक्विंटल भाव मिळाला आहे. तर किरकोळ बाजारात ज्वारी ६० ते ७० रुपये किलो दराने विकली जात आहे. पुढील काही महिने बाजारभाव तेजीतच राहण्याची शक्यता आहे. त्यामुळे ज्वारी उत्पादक शेतकरी सुखावला आहे. मात्र, कष्टकऱ्यांच्या आहारातील भाकरी मात्र आता महाग झाली आहे.