Midnight Raid: Kannada Rural Police Bust Illicit Sand Mining Racket at Chikhalthan Shivar
Sakal
कन्नड : तालुक्यातील चिखलठाण शिवारात गांधेरी नदी पात्रातून विनापरवाना व बेकायदेशीरपणे वाळूचा उपसा करून चोरटी वाहतूक करणाऱ्या टोळीवर कन्नड ग्रामीण पोलिसांनी सोमवारी (ता. ८) मध्यरात्रीच्या सुमारास धडक कारवाई केली. या छाप्यात पोलिसांनी तीन ट्रॅक्टर, एक जेसीबी आणि दोन मोबाईल फोनसह तब्बल ६८ लाख ९० हजार रुपयांचा मुद्देमाल जप्त केला आहे. या प्रकरणी पाच जणांवर गुन्हा नोंद करण्यात आला आहे.
