Fake Degree Scam : ‘कोहिनूर’चा अध्यक्ष मजहर खानला अटक

छत्रपती संभाजीनगर : बंगळुरूच्या राजीव गांधी युनिव्हर्सिटी ऑफ हेल्थ सायन्सेसच्या बोगस बीएचएमएस पदवी प्रकरणात खुल्ताबादच्या कोहिनूर शिक्षण संस्थेचा अध्यक्ष मजहर अन्वरखान याला मंगळवारी (ता. २५) कर्नाटक पोलिसांनी अटक केली. .बंगळुरू पोलिस ठाण्यात बीएचएमएस पदवीसाठी पत्नीची बनावट कागदपत्रे तयार केल्याप्रकरणी मजहर खानविरोधात गुन्हा दाखल आहे. त्याच प्रकरणात कर्नाटक पोलिसांचे एक पथक शहरात आले होते. त्यांनी मजहर अन्वरखान (वय ३९ रा. टिव्ही सेंटर) याला रोजेबाग येथून अटक केली.या प्रकरणी सिटीचौक पोलिस ठाण्याचे पीएसआय अर्जुन कदम यांनी माहिती दिली ः त्यानुसार बंगळुरू पोलिस ठाण्यात गेल्या वर्षी गुन्हा दाखल झाल्यापासून ते मजहर खानचा शोध घेत होते. मंगळवारी दुपारी बंगळुरू पोलिसांनी सिटीचौक पोलिसांच्या मदतीने मजहरखानला अटक करीत बंगळुरू येथे नेले..तक्रारदार जेबा खान यांच्याशी संपर्क साधला असता त्या म्हणाल्या, की एलएलबी पदवी बोगस असल्याचा पत्रव्यवहार जेव्हा केला होता त्याच वेळी राजीव गांधी युनिव्हर्सिटी ऑफ हेल्थ सायन्सेसकडे बीएचएमएस पदवीत गैरव्यवहार करून चिन्हाचा वापर करत असल्याची तक्रार दिली होती. त्या संदर्भातच ही कारवाई असावी. अधिक स्पष्टता पोलिसच करु शकतील असे त्यांनी ‘सकाळ’ला सांगितले.कायद्याची डिग्रीही बोगसदरम्यान मजहरखान याच्यावर उत्तरप्रदेश येथील जौनपूर पोलिस ठाण्यातही फसवणुकीचा गुन्हा दाखल आहे. जेबा खान यांनी याप्रकरणी ऑगस्ट २०२४ महिन्यात तक्रार दिली होती. यामध्ये कोहिनूर महाविद्यालयाचा धर्मादाय आयुक्तांसमोर खटला सुरू आहे. यात मजहर खान यांनी नावासमोर वकिलीची पदवी (एलएलबी) लावण्यास सुरुवात केली. मजहर खान यांनी कायद्याचे शिक्षण घेतले नसताना त्यांना अचानक पदवी कुठून मिळाली, याचा शोध घेतला असता ही पदवी ‘वीर बहादूर सिंग पूर्वांचल विद्यापीठ जौनपूर, उत्तर प्रदेश’ येथील असल्याचे समोर आले. फिर्यादी जेबा खान यांनी विद्यापीठाशी पत्रव्यवहार केला असता मजहर खान यांना मिळालेली पदवी आमच्या महाविद्यालयाची नसल्याचे त्यांनी सांगितले. याबाबत जौनपूर पोलिसांनी प्राथमिक तपास करून ऑगस्ट महिन्यात गुन्हा दाखल केला होता..बोगस डिग्रीवर कोर्टात प्रॅक्टिसकाही दिवसांपूर्वीच जौनपूर पोलिस शहरात आले असता हा प्रकार समजला. याप्रकरणी मजहर खानसह पत्नी अस्मा खान हिच्याविरोधातही गुन्हा दाखल करण्यात आला आहे. मजहर खान यांनी ही बनावट डिग्री मिळवून बार काऊन्सिलचे ओळखपत्रही मिळवले. सनद घेऊन न्यायालयात खटलेदेखील लढवले. धक्कादायक बाब म्हणजे, सर्वोच्च न्यायालयात ते वकील म्हणून उभे राहिले, असे तपासात समोर आले आहे. अशा प्रकारे अनेक बनावट डिग्री शहरातील लोकांना वाटल्याचा अंदाज पोलिसांना आहे. यात एलएलबी, एलएलएम, पीएचडी अशा पदव्यांचा समावेश असल्याचे फिर्यादीत म्हटले आहे..असेही कारनामे- नागराज गायकवाड यांनी मजहर खानविरोधात चक्क लेखनिकाला आपल्या नावे परीक्षेला बसवून यशवंतराव चव्हाण मुक्त विद्यापीठाची फसवणूक केल्याची तक्रार केली असून गेल्या आठवड्यात या प्रकरणाची सुनावणी झाली आहे.- मजहर खान याने कोहीनूर महाविद्यालयाच्या प्राध्यापकांसह, शिक्षकेतर कर्मचाऱ्यांचे वेतन सहसंचालक कार्यालयाकडे परत केले होते. त्या शिक्षकांचे गेल्या डिसेंबरपासून वेतन झालेले नाही.बंगळुरु पोलिसांनी मंगळवारी शहरात येत मजहर खान याला अटक केली. सिटी चौक पोलिस ठाण्यात नोंद करुन त्याला बंगळुरु पोलिस ठाण्यात नेण्यात आले आहे. फसवणुकीसंदर्भात मजहर खानवर गुन्हा दाखल असल्याची माहिती कर्नाटक पोलिसांनी दिली आहे.— नितीन बगाटे, प्रभारी पोलिस आयुक्त.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Fake Degree Scam : ‘कोहिनूर’चा अध्यक्ष मजहर खानला अटक

Related Stories