Latur News
esakal
लातूर: शहराच्या चारही बाजूला मोठ्या प्रमाणात बांधकाम वाढले आहे. मोठमोठे गृहप्रकल्प व बहुमजली इमारती उभ्या राहू लागल्या आहेत. पण, सध्याच्या युद्ध परिस्थितीची झळ विविध क्षेत्रांबरोबरच शहरातील बांधकाम क्षेत्रालाही बसली आहे. गेल्या काही दिवसांत लोखंडाचे भाव पाच ते दहा टक्क्यांनी वाढले आहेत. शिवाय, टाइल्सची आवकही पूर्णपणे बंद झाली आहे. त्यामुळे नव्याने उभ्या राहत असलेल्या गृहप्रकल्पांची गती मंदावल्याचे चित्र दिसून येत आहे.