लातूरात वाहनाच्या भीषण अपघातात दुचाकीवरील दोघे ठार

जळकोट (लातूर): वाहनाने धडक दिल्यामुळे दुचाकीवरील दोघांचा मृत्यू झाल्याची घटना शिरुर-मुखेड मार्गावरील चेरा (ता. जळकोट) येथील पाटीजवळ मंगळवारी (ता. २७) सायंकाळी घडली. या घटनेच दोनजण किरकोळ जखमी झाले आहेत.

शिवाजी गंगाधर गोणार (वय ३०), साहेबराव पवळे (५०), रेखा पुंडलिक वडजे (३०), प्रथमेश पुंडलिक वडजे (९, रा. सर्व गोणार, ता. कंधार, जि. नांदेड) हे मोटारसायकलने गोणारहून अहमदपूरकडे जात होते. काल सायंकाळी सातच्या सुमारास चेरा पाटीजवळ वाहनाने दुचाकीला धडक दिल्याने शिवाजी गंगाधर गोणार यांचा जागीच मृत्यू झाला.

गंभीर जखमी साहेबराव पवळे यांचा उपचारादरम्यान मृत्यू झाला. रेखा पुंडलिक वडजे, प्रथमेश पुंडलिक वडजे हे किरकोळ जखमी झाले. पोलिस निरीक्षक गणेश सोंडारे व त्यांच्या सहकाऱ्यांनी पंचनामा केला. जखमींना उपचारासाठी रुग्णालयात दाखल केले.