Latur Gas Shortage: लातूरच्या मेसमध्ये गॅस तुटवडा; चुली व कोळशावर स्वयंपाक सुरू; लाकड व चुलीचे दर दुपटीने वाढले, मेसच्या महिन्याचे दरही वाढले

लातूर: व्यावसायिक सिलिंडरचा पुरवठा बंद असल्याने शहरातील हॉटेल चालकांपाठोपाठ आता ‘मेस’चालकांचीही चांगलीच कसरत सुरू झाली आहे. मेसमधील गॅसच्या शेगड्या बाजूला काढून त्या जागेत चुली आणि कोळशाची शेगडी ठेऊन स्वयंपाक करण्यावर भर दिला जात आहे. शहरातील बहुतांश ठिकाणी हेच चित्र पाहायला मिळत आहे. दरम्यान, एका मेसमध्ये स्वयंपाकासाठी दिवसाला जवळपास एक हजार रुपयांचे सरपण वापरले जाते. मागणी दिवसेंदिवस वाढत असल्याने सरपणाचे दरही वाढले असल्याचे विक्रेत्यांनी सांगितले.