जिल्हा परिषदेकडे विहीरींचे प्रस्ताव रखडले; 20 हजार मजूर कामाच्या प्रतिक्षेत

जळकोट (जि.लातूर): तालुक्यातील ४७ गावांतील विहीरीचे एकशे पंधरा प्रस्ताव पंचायत समितीकडे दाखल करण्यात आले आहेत. यातील पन्नास विहिरींना मंजुरी मिळाली असून ६४ प्रस्ताव जिल्हा परिषदेकडे मान्यतेविना प्रलंबित आहेत. या विहिरींच्या प्रस्तावाला मान्यता द्यावी अशी मागणी शेतकऱ्यांनी केली आहे.

तालुक्यात मजुरांची संख्या २५ हजार असून सध्या शिवार उघडे पडल्याने मजुरांच्या हाताला काम नसल्याने त्याच्यावर उपासमारीची वेळ आली. कामाच्या शोधात वणवण फिरावे लागत आहे. पंचेवीस हजारा पैकी केवळ साडे सातशे खजुराच्या हाताला काम आहे. रोजगार हमी योजनेअंतर्गत शासनाने प्रत्येक शेतकऱ्यांचे सिंचन क्षेत्र वाढावे या उद्देशाने रोजगार हमी योजनेअंतर्गत विहिरी देण्याचे ठरविले आहे.

'माझ्या लेकीची बदनामी थांबवा नाहीतर आत्महत्या करेन' पुजाच्या वडीलांची...

हा प्रस्ताव येताच मंजुरी देण्याचेही आदेश दिले आहेत. पंरतु ६४ विहिरीचे प्रस्ताव अद्यापही प्रलंबित आहेत. शासनाकडून शेतकऱ्यांना प्रत्येक विहीरीसाठी तीन लाख रुपये अनुदान आहे.

प्रस्ताव मंजुरीसाठी पाठविण्यात आले आहेत मंजुरी मिळताच संबंधित पात्र लाभार्थ्यांना विहीर खोद कामाचे कार्यारंभ आदेश देण्यात संपुर्ण प्रस्ताव मंजुरीसाठी जिल्हा परिषद व संबंधित विभागाकडे पाठवण्यात येतील- चंद्रहार ढोकणे गटविकास अधिकारी पं.स.जळकोट

जळकोट पंचायत समितीकडून विहीरीचे प्रस्ताव जिल्हा परिषदेच्या संबधित विभागाकडे आले आल्यास याबाबत तात्काळ विचारणा करुन मंजूर करण्यात येतील. मजुरांच्या हाताला काम मिळावे यासाठी जिल्हा परिषदेच्या माध्यमातून विविध कामांना मंजुरी देण्यात येत आहे.-राहुल केंद्रे अध्यक्ष जिल्हा परिषद लातूर