Latur News
esakal
लातूर: आर्थिक वर्ष २०२५-२६ संपण्यास अवघे ३ दिवस बाकी असतानाही काही थकबाकीदार मालमत्ताधारक टॅक्स भरणा करण्यास टाळाटाळ करीत आहेत. विविध प्रकारची सूट देऊनही कर भरला जात नसल्याने महापालिकेने आता थकबाकीदारांची नावे चौकाचौकांत बॅनरवर जाहीर करण्याचा निर्णय घेतला आहे. दरम्यान, गेल्या काही महिन्यांपासून सुरू असलेल्या मालमत्ता करवसुली मोहिमेत ५४ हजार १२३ मालमत्ताधारकांनी ७० कोटींचा कर भरणा केला असल्याचे महापालिकेने जाहीर केले.