Lightning Strike : सिल्लोड तालुक्यात वीजांचे तांडव; वीज कोसळून एक महिला, तीन मुले ठार

सिल्लोड - तालुक्यात शनिवारी (ता. 14) रोजी दुपारच्या सुमारास वीजांचे तांडव होऊन वीज कोसळून एक महिला, दोन मुलांचा मृत्यू झाला. तर दोन घटनांमध्ये चार जनावरे ठार झाली..मोढा बुद्रूक येथे दुपारी दोन वाजेच्या सुमारास विजांचा कडकडाट सुरू झाल्यानंतर शेतातून घरी जात असताना घडलेल्या घटनेत रंजना बापू शिंदे (वय-47) यांचा वीज कोसळून मृत्यू झाला. तर दुसऱ्या घटनेत सारोळा (ता. सिल्लोड) येथे वीज कोसळून दोन सख्खे भाऊ रोहित राजू काकडे (वय-22) व यश राजू काकडे (वय-16) ठार झाले..आईवडिलांना दोनच मुले असल्यामुळे दोघांच्या मृत्यूमुळे त्यांच्यावर अस्मानी संकट कोसळले आहे. दोघे भाऊ पेरणीसाठी शेतात गेले होते. पाऊस सुरु झाल्यानंतर ते आडोशासाठी झाडाखाली उभे होते..तर अन्वी शिवारातील शेतकरी नारायण सांडू बांबर्डे यांच्या गट क्रमांक 139 मधील शेतात वीज कोसळून एक म्हैस ठार झाली. दुसऱ्या घटनेत मांडणा येथील शेतकरी ज्ञानेश्वर माणिकराव लोखंडे यांच्या गट क्रमांक 296 मधील शेतात वीज कोसळून तीन वासरे ठार झाली..पिंपळदरी येथील शिवराज सतीश गव्हाणे (वय-28) ठार झाले आहेत. या घटनेत दोघे भाऊ पिंपळदरी येथील गट क्रमांक 146 च्या शेतात काम करीत असताना वीज कोसळून शिवराज गव्हाणे ठार तर त्याचा भाऊ जीवन गव्हाणे गंभीर जखमी..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.