छत्रपती संभाजीनगर : एलएलबी तीन वर्षे अभ्यासक्रमाची ८७ हजार ९३७ विद्यार्थ्यांची सीईटी ३ आणि ४ मे रोजी नियोजित होती. मात्र, नॅशनल टेस्टिंग एजन्सीने (एनटीए) ४ मे रोजीच्या नीट यूजी परीक्षा घेण्यासाठी केंद्रांची निश्‍चिती केली. त्यातील काही परीक्षा केंद्रे सीईटी सेलने एलएलबी सीईटीसाठी आरक्षित केली होती. त्यामुळे ती परीक्षा केंद्रे नीट परीक्षेमुळे वापरता येणार नसल्याने एलएलबी सीईटी २ आणि ३ मे रोजी घेण्याचा निर्णय सीईटी सेलने घेतला.