Lohara LPG Shortage
esakal
लोहारा : सिलिंडरच्या टंचाईचा सर्वाधिक फटका हॉटेल, ढाबे व चहा टपरी व्यावसायिकांना बसला आहे. शहर व तालुक्यात सुमारे अडीच ते तीनशेपर्यंत छोटे-मोठे हॉटेल व चहा टपऱ्या आहेत. सिलिंडरअभावी त्यांच्यावर व्यवसाय बंद ठेवण्याची वेळ आली आहे. त्यामुळे त्यांच्यावर आर्थिक संकट ओढवले आहे.
तर, अनेक हॉटेल आणि रेस्टाॅरंटधारकांकडे केवळ दोन दिवस पुरेल एवढाच सिलिंडरचा साठा उपलब्ध आहे. त्यामुळे पुढे काय, असा प्रश्न त्यांच्यासमोर आहे. त्यामुळे कामगारांवरसुद्धा गॅस सिलिंडरने संक्रात आणली आहे.