Mother’s hard work and son's determination lead to PSI success
esakal
-लक्ष्मीकांत मुळे
अर्धापूर (जिल्हा नांदेड): कुटुंबाची आर्थिक परिस्थिती हलाखीची... वयाच्या सातव्या वर्षी वडिलांचे छत्र हरपले... मात्र परिस्थितीसमोर हार न मानता जिद्द, मेहनत आणि सातत्याच्या जोरावर अर्धापूर शहरातील अजय यलगंदकर यांनी महाराष्ट्र लोकसेवा आयोगाच्या परीक्षेत यश संपादन करत पोलिस उपनिरीक्षकपदाला गवसणी घातली आहे. कोणत्याही शिकवणी वर्गाचा आधार न घेता स्वयंअध्ययन, ज्येष्ठ मित्रांचे मार्गदर्शन आणि कठोर परिश्रमातून त्यांनी हे यश मिळविले आहे.
