वसमत- बहिणीशी असलेल्या प्रेमसंबधाच्या रागातून तिघांनी दोघांवर खंजिरने हल्ला केला. यात एकाचा मृत्यू झाला तर एक जण गंभीर जखमी झाला आहे. ही घटना वसमत तालुक्यातील हयातनगर पाटीजवळ गावरान बियर बारमध्ये मंगळवारी ता. २४ रात्री साडे नऊच्या सुमारास घडली आहे..या प्रकरणी हट्टा पोलीस ठाण्यात तिघाविरुध्द गुन्हा दाखल झाला असून, फरार आरोपींचा शोध सुरु करण्यात आला आहे. वसमत तालुक्यातील थोरावा येथील विशाल मुंजाजी देवरे (२२) हा त्याचा मित्र ओमकार नरवाडे याच्यासोबत मंगळवारी रात्री साडेनऊ वाजण्याच्या सुमारास हयातनगर पाटीजवळील गावरान बियर बारमध्ये बसले होते..यावेळी थोरावा येथीलच गोपाळ रंगनाथ देवरे, ऋषीकेश मारोतराव कदम, शिवाजी धोंडु देवरे हे तिघे आले. यामध्ये दोघांनी हॉटेलमध्ये प्रवेश करून तेथे बसलेल्या विशाल व ओमकार याच्यावर खंजीरने वार करण्यास सुरवात केली. दरम्यान, आचानक झालेल्या या हल्यामुळे दोघेही प्रतिकार करू शकले नाही..यामध्ये विशाल याच्या पोटावर व छातीवर खंजीरचा वर्मी वार बसला तर ओमकार याच्याही पोटावर वार बसले. त्यानंतर मारहाण करणारे तिघेही पळून गेले.या घटनेची माहिती मिळताच पोलिस अधिक्षक श्रीकृष्ण कोकाटे, अप्पर पोलिस अधिक्षक अर्चना पाटील, गुन्हे शाखेचे निरीक्षक विकास पाटील, हट्टा पोलिस ठाण्याचे सहाय्यक पोलिस निरीक्षक संग्राम जाधव, जमादार समर्थ कासले, सुर्यवंशी, सुरेशे यांच्यासह पथकाने घटनास्थळी धाव घेतली..पोलिसांनी जखमी विशाल व ओमकार यांना उपचारासाठी वसमतच्या उपजिल्हा रुग्णालयात दाखल केले. मात्र विशाल याचा मृत्यू झाल्याचे वैद्यकिय अधिकाऱ्यांनी जाहिर केले. तर गंभीर जखमी असलेल्या ओमकार याच्यावर प्राथमिक उपचार करून पुढील उपचारासाठी नांदेड येथे हलविल्याचे पोलिसांनी सांगितले..अदिनाथ देवरे यांच्या तक्रारीनुसार हट्टा पोलीस ठाण्यात गोपाळ रंगनाथ देवरे, ऋषीकेश मारोतराव कदम, शिवाजी धोंडु देवरे या तिघाविरुध्द खुनाचा गुन्हा दाखल झाला आहे. ऋषीकेश मारोतराव कदम या आरोपीच्या बहिणीशी विशाल मुंजाजी देवरे याचे प्रेमसंबध होते.त्यातून हा खून झाल्याचे फिर्यादीत नमुद करण्यात आले आहे. दरम्यान, या घटनेतील फरार आरोपींच्या शोधासाठी हट्टा पोलिस ठाण्याचे सहाय्यक पोलिस निरीक्षक संग्राम जाधव यांनी तीन पथके रवाना केली असून त्या तिघांचाही कसून शोध घेतला जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
