हिंगोलीत पाच परिक्षा केंद्रात महाराष्ट्र राज्य सेवा पूर्व परीक्षा सुरू

हिंगोली : येथील पाच परिक्षा केंद्रावर महाराष्ट्र लोकसेवा आयोगामार्फत घेण्यात येणारी राज्य सेवा पूर्व परीक्षा दोन सत्रात रविवारी ता. २३ सकाळी दहा वाजता सुरू झाली आहे. पहिले सत्र सकाळी १० ते १२ व दुपारी तीन ते पाच या वेळेत घेण्यात येणार आहे. या परिक्षा केंद्रीवर १४४ कलम लागु करण्यात आले असुन कोविड नियमांचे पालन करुन परिक्षेला सुरवात झाली आहे.

शहरातील आदर्श महाविद्यालय भाग-अ, व ब सेक्रेट हार्ट इंग्लीश स्कूल, शास्त्रीनगर, पोदार इंटरनॅशनल स्कूल, अकोला रोड, सरजूदेवी भिकूलाल भारुका आर्य कन्या विद्यालय, या पाच परीक्षा केंद्रावर परीक्षा सुरू झाली असून या परिक्षा केंद्रावर एक हजार ४२६ परीक्षार्थ्यानी नोंदणी केली आहे. या परीक्षा केंद्र परिसरात फौजदारी प्रक्रिया संहितेचे कलम १४४ लागू करण्यात आले आहे.तसेच परीक्षार्थी यांना परीक्षा केंद्रात डिजिटल डायरी, पेजर, मायक्रोफोन, मोबाईल, गणकयंत्र इत्यादी नेण्यास बंदी घालण्यात आली आहे.