Rising Fertilizer Costs Leave Farmers Worried Ahead of Kharif Sowing
esakal
-राम काळगे
निलंगा : खरीप हंगामाची तयारी अंतिम टप्प्यात असताना रासायनिक खतांच्या दरात झालेल्या मोठ्या वाढीमुळे शेतकरी वर्ग अडचणीत सापडला आहे. बियाणे, मजुरी, औषधे आणि इंधनाच्या वाढत्या खर्चामुळे आधीच आर्थिक ताण सहन करणाऱ्या शेतकऱ्यांसमोर आता खतांच्या वाढलेल्या किमतीचे नवे संकट उभे राहिले आहे. त्यामुळे शेतीचा उत्पादन खर्च वाढणार असून त्याचा थेट परिणाम शेतकऱ्यांच्या आर्थिक नियोजनावर होत आहे. सध्या शेतकरी खरिप पेरणीच्या नियोजनाने चिंताग्रस्त झाला आहे.
