Jalna Crime: जालना जिल्ह्यात प्लॉटच्या वादातून अंगावर चारचाकी घालून खून; घनसावंगी परिसरात उघड्या रस्त्यावर मृत्यू

जालना : प्लॉटच्या वादातून अंगावर चारचाकी वाहन घालून एकास ठार मारल्याची घटना घनसावंगी (जि. जालना) येथील सूतगिरणी फाटा परिसरात शनिवारी (ता. दोन) दुपारी तीनच्या सुमारास घडली..घनसावंगी येथील सूतगिरणी फाटा परिसरात पारनेर (ता. अंबड) येथील श्रीरंग पडोळकर यांचा अडीच गुंठ्यांचा प्लॉट होता. या प्लॉटबाबत नूरजा इकबाल पठाण (रा. सूतगिरणी फाटा, घनसावंगी) यांच्यासोबत वाद सुरू होता..या प्लॉटमधून नूरजा इकबाल पठाण व तिच्या कुटुंबीयांनी रस्ता तयार करून अतिक्रमण केले होते. भूमी अभिलेख विभागाकडून या जागेची मोजणी करून रस्त्याचे अतिक्रमण काढून टाकण्यात आले होते. तेथे तारेचे कुंपण घालण्याचे काम सुरू होते. हैदर इकबाल पठाण आज दुपारी एकच्या सुमारास तेथे आला..हा प्लॉट माझा असल्याचे म्हणत पडोळकर यांना शिवीगाळ केली. ‘तुला आता ठारच मारून टाकतो’ असे म्हणत त्याने चारचाकी वाहनाद्वारे धडक देऊन पडोळकर यांना खाली पाडले. त्यानंतर अंगावर वाहन घातले. .Sugar Prices Hike: सणासुदीच्या तोंडावर साखरेची गोडी कमी होणार! दोन रुपयांनी महागली, दोन लाख टन कोटा कमी .यात पडोळकर गंभीर जखमी झाले. दरम्यान, यावेळी हैदरने खिशातून हत्यार काढून आपल्या हातावर जखम करून घेतली. दरम्यान, जखमी श्रीरंग पडोळकर यांच्यावर घनसावंगी येथील प्राथमिक आरोग्य केंद्रात प्रथमोपचार करून जालना येथील रुग्णालयात दाखल करण्यात आले. तेथे उपचारादरम्यान सायंकाळी सातच्या सुमारास त्यांचा मृत्यू झाला. या प्रकरणी लता ईश्वर सोळंके (रा. महालक्ष्मी पेट्रोलपंपाजवळ, पारनेर, ता. अंबड) यांनी दिलेल्या तक्रारीवरून संशयित हैदर इकबाल पठाण याच्याविरोधात गुन्हा दाखल झाला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.