जालना- मराठा समाजाचे नेते मनोज जरांगे-पाटील हे उपोषणावर ठाम आहेत. अंतरवाली सराटी येथे सभा घेण्यास पोलिसांनी त्यांना परवानगी नाकारली होती. मात्र, जरांगे अंतरवाली सराटी येथे आजपासून उपोषण सुरू करणार आहेत. सगे-सोयऱ्यांना देखील कुणबी प्रमाणपत्र मिळावे या मागणीसाठी जरांगे आजपासून उपोषण सुरू करतील.
अंतरवाली सराटी येथे मनोज जरांगे यांचे शनिवारी 8 जून पासून सुरु होणाऱ्या आमरण उपोषणाला पोलीसांनी परवानगी नाकारली आहे. मनोज जरांगे हे मराठा आरक्षण करिता या ठिकाणी आठ महिन्या पासून आंदोलन, उपोषण करत आहेत. याआधीही जरांगे यांनी उपोषण केले आहे.
4 जून रोजी त्यांचे अंतरवाली सराटी येथे उपोषण होणार होते, परंतु 4 जून रोजी लोकसभा निवडणूक निकाल, आचारसंहिता आणि ग्रामस्थांनी उपोषणा विरोधात जालना जिल्हाधिकाऱ्यांना निवेदन दिल्याने पोलीसांनी उपोषणाला परवानगी नाकारली होती.
आचारसंहिता, निकाल यांचा मान ठेवून जरांगे यांनी 4 जून रोजीचे उपोषण पुढे ढकलले आणि 8 रोजी उपोषण करणार असल्याचे जाहीर केले होते. अंतरवलीच्या ग्रामस्थांनी जिल्हाधिकाऱ्यांना निवेदन दिले होते, जरांगेच्या उपोषणामुळे जातीय सलोखा बिघडत असल्याचा दावा यात करण्यात आला होता. शांततेच्या पाश्वभूमीवर शनिवारी 8 जून रोजीच्या मनोज जरांगे यांच्या उपोषणाला शुक्रवारी 7 जून रोजी परवानगी नाकारली असल्याचे पोलीसांनी सांगीतले जाहीर केले होते.
मात्र मनोज जरांगे याच ठिकाणी उपोषण करण्यावर ठाम असल्याची माहिती मिळत होती. मनोज जरांगे पुढील दिशा काय ठरवतात, उपोषण अंतरवाली सराटी येथे होणार का या कडे राज्याचे लक्ष लागले होते. काही वेळातच त्यांचे उपोषण सुरु होण्याची शक्यता आहे. पोलीस प्रशासन यावेळी काय भूमिका घेतं हे पाहावं लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
