Maratha Reservation : अंतरवाली सराटी येथे मोठा जनसमुदाय उपस्थित, सहाव्या दिवशी जरांगे उपोषणावर ठाम , तब्येत खालावली

वडीगोद्री : अंतरवाली सरटी येथे कायद्याची अंमलबजावणी करावी ,गुन्हे वापस घ्या आदी मागणी साठी शनिवार ता.10 पासून मनोज जरांगे हे आमरण उपोषण करत आहे जरांगे यांचा आज गुरुवार ता.15 रोजी सहावा दिवस असुन त्यांनी अन्न, पाणी,व वैघकिय उपचार घेण्यासाठी आजही नकार दिला आहे त्याची तब्येत खालावली असल्याने सरकारचे टेन्शन वाढले आहे.

त्यांना उठता, बसता येत नाही , पोटात दुखत आहे, काल नाकातुन रक्तस्त्राव झाला होता तरही ते उपोषणावर ठाम आहेत. उपोषणाच्या 6 व्या दिवशी अंतरवाली सराटी येथे मोठा जनसमुदाय उपस्थित होता, या ठिकाणी नारायण गडाचे मंहत शिवाजी महाराज , बंकट स्वामी संस्थान नेकनूर येथील मंहत आदी हे दुपारी अंतरवाली सरटी येथे आले आसता त्यांनी व उपस्थित महीला ,नागरीक यांनी जरांगे यांना पाणी घेण्यासाठी आग्रह केला

त्यांचा मान राखत जरांगे यांनी पाणी घेतले , अंतरवाली सरटी येथे महीला आक्रमक झाल्या आसुन सरकारला मुंबईला जाऊन साडी चोळी देण्यात येईल असे महिलांनी सांगितले, शासनाने त्वरित अधिवेशन बोलावुन कायदा पास करावा ,मनोज जरांगे यांची तब्येत खालावली आहे याची काळजी घ्यावी अशी जोरदार मागणी या ठिकाणी उपस्थित नागरिक, महिला करत आहे. या ठिकाणी दुपारी अडिच वाजेपर्यंत शासनाचे प्रतिनिधी, शिष्टमंडळ प्रतिनिधी आलेले नाही.