esakal | Beed: काळ्या बाजारात जाणाऱ्या रेशन धान्याचा टेम्पो नागरिकांनीच पकडला
sakal

बोलून बातमी शोधा

रेशन धान्याचा टेम्पो नागरिकांनीच पकडला

बीड : काळ्या बाजारात जाणाऱ्या रेशन धान्याचा टेम्पो नागरिकांनीच पकडला

sakal_logo
By
सकाळ वृत्तसेवा

बीड : माळापुरी येथील रेशनचा माल काळ्या बाजारात घेऊन जाणारा टेम्पो नागरिकांनीच पकडला. हा टेम्पो सोडून चालक फरार झाला असून नायब तहसीलदार यांनी घटनास्थळी पंचनामा करत माल ताब्यात घेतला. ही घटना शनिवारी (ता. २) दुपारी साडेबारा वाजता नामलगाव फाटा येथे घडली.

माळापुरी येथील रेशन दुकानातील धान्य टेम्पोमधून काळ्या बाजारात जात असल्याची माहिती काही नागरिकांना मिळाल्यानंतर त्यांनी टेम्पोचा पाठलाग केला. वाहन चालकाला नागरिक आपला पाठलाग करत असल्याचे लक्षात आल्यानंतर नामलगाव फाटा येथील एका पेट्रोल पंपावर टेम्पो लावून चालक फरार झाला. याची माहिती नागरिकांनी पुरवठा विभागाला दिल्यानंतर घटनास्थळी नायब तहसीलदार राऊत यांनी येऊन पंचनामा केला. रेशनचा माल ताब्यात घेतला असून या प्रकरणी रात्री उशिरापर्यंत ग्रामीण पोलिसात तक्रार दाखल नव्हती.

loading image
go to top