Corona : मराठवाड्यात ३७ रुग्णांचा मृत्यू, ५२३ जण कोरोनाबाधित

औरंगाबाद : मराठवाड्यात Marathwada सोमवारी (ता. १४) दिवसभरात ५२३ जण कोरोनाबाधित Corona आढळले. जिल्हानिहाय वाढलेली रुग्णसंख्या अशी; बीड Beed १५४, उस्मानाबाद Osmanabad १०८, लातूर Latur १०४, औरंगाबाद Aurangabad ९४, परभणी Parbhani ३०, जालना Jalna १७, नांदेड Nanded १२, हिंगोली Hingoli ४. मराठवाड्यात रविवारी (ता. १३) ३९७ बाधित आढळले होते. उपचारादरम्यान आणखी ३७ जणांचा मृत्यू झाला. त्यात बीड-लातुरमध्ये प्रत्येकी १०, औरंगाबाद ७, हिंगोली ४, जालना-नांदेडमध्ये प्रत्येकी दोन, परभणी-उस्मानाबादेतील प्रत्येकी एकाचा समावेश आहे. रविवारी २९ जणांच्या मृत्यूची नोंद झाली होती.Marathwada Corona Updates Covid 523 New Cases Reported

औरंगाबादेत ९४ बाधित

औरंगाबाद जिल्ह्यात ९४ कोरोनाबाधित आढळले. त्यात शहरातील २०, ग्रामीण भागातील ७४ जण आहेत. रुग्णांची संख्या १ लाख ४४ हजार ७८८ वर पोचली आहे. आणखी २२३ रुग्ण बरे झाले. त्यात शहरातील १४ तर ग्रामीण भागातील २०९ जणांचा समावेश आहे. आतापर्यंत १ लाख ३९ हजार ८४६ रुग्ण बरे झाले आहेत. सध्या १ हजार ५९३ जणांवर उपचार सुरू आहेत. आणखी सात जणांचा मृत्यू झाला. चारनेर (ता. सिल्लोड) येथील पुरुष (वय ४२), तलवाडा (ता. वैजापूर) येथील महिला (७०), कोरहाळा तांडा केळगाव (ता. सिल्लोड) येथील पुरुष (७४), गावठाण शेवगाव (जि. औरंगाबाद) येथील महिला (६१) कन्नड येथील पुरुष (५०), लासूरगाव (ता. वैजापूर) येथील पुरुषाचा (८२) घाटी रुग्णालयात तर सिडको एन-दोन भागातील पुरुष (५९), सराफा रोड भागातील पुरुषाचा (७१) खासगी रुग्णालयात मृत्यू झाला. जिल्ह्यात आतापर्यंत ३ हजार ३४९ जणांचा कोरोनाने बळी घेतला आहे.