छत्रपती संभाजीनगर : मराठवाड्यातील बहुतांश जिल्हा कारागृहात क्षमतेपेक्षा जास्त बंदीवान असल्याचे चित्र आहे. बीड जिल्हा कारागृहातील काहींना छत्रपती संभाजीनगरच्या, तर काहींना नाशिकच्या कारागृहात हलविल्याच्या पार्श्वभूमीवर हा मुद्दा चर्चेत आला. दरम्यान, परभणी-हिंगोलीसाठी परभणी एकच जिल्हा कारागृह आहे. हिंगोतील नव्याने कारागृह होणार आहे. नांदेडलाही नव्या जागेत कारागृह प्रस्तावित आहे.