उमरगा : येथील तहसील कार्यालयासमोरील मोकळ्या जागेतील दहा गुंठे क्षेत्रात मियावाकी जंगल निर्मिती करण्यात येणार आहे. या कामाचा प्रारंभ तहसीलदार गोविंद येरमे यांच्या हस्ते नुकताच झाला..तहसील कार्यालयाच्या तळमजल्यात पाणी साचण्याचा प्रकार बंद होत नसल्याने दुसऱ्या मजल्यावर नवीन बांधकाम व फर्निचरसाठी जिल्हा नियोजन समितीच्या बैठकीत एक कोटी मंजूर झाले होते, त्याचे काम अंतिम टप्प्यात आहे..तहसील कार्यालयाच्या मोकळ्या मैदानाभोवती एक संरक्षक भिंतीचे काम पूर्ण झाले आहे. राष्ट्रीय महामार्गापासून दोन प्रवेशद्वार ते कार्यालयापर्यंत दोन स्वतंत्र रस्ते तयार करण्यात येणार आहे. शिवाय वहान तळाचे काम होणार आहे..Nanded Infrastructure Issue : रस्त्यावरील पूल नव्हे, मृत्यूचा सापळा!.जिल्हाधिकारी कीर्तिकुमार पुजार यांच्या संकल्पनेतून धाराशिव जिल्ह्यात १९ जुलैला एकाच दिवशी पंधरा लाख वृक्ष लागवड करण्यात येणार आहे. त्यासाठी सर्व शासकीय, निमशासकीय कार्यालयाचे प्रमुख, कर्मचारी तसेच विविध सामाजिक संघटनेला या स्तुत्य उपक्रमात सहभागी करून घेतले जाणार आहे. तहसील कार्यालयाच्या मोकळ्या मैदानात दहा गुंठे क्षेत्रात तीस प्रजातींचे तीन हजार वृक्ष लागवड केली जाणार आहे..या उपक्रमाच्या खोदकामाचा प्रारंभ तहसीलदार येरमे यांच्या हस्ते झाला. यावेळी सार्वजनिक बांधकाम विभागाचे अभियंता धीरज पाटील, सामाजिक वनीकरण विभागाचे वनरक्षक राहुल कलशेट्टी, काका मगर उपस्थित होते. दरम्यान या ठिकाणी लवकरच तयार होणाऱ्या मियावाकी जंगल निर्मितीसाठी सामाजिक वनीकरणाकडून रोपांची लागवड केली जाणार आहे. १९ जुलैच्या वृक्ष लागवडीसाठी या उपक्रमाचा डेमो म्हणून सर्व शासकीय, निमशासकीय कर्मचाऱ्यांना दाखविण्यात येणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
