आत्महत्या प्रकरणाला वेगळे वळण : व्यापाऱ्यास मारहाण करणाऱ्या पोलिसावर कारवाई करा

MLA Meghna Sacore-Bordikar calls for action against police for beating trader in Jintur
MLA Meghna Sacore-Bordikar calls for action against police for beating trader in Jintur
Updated on

जिंतूर (परभणी) : शहरातील एका व्यापाऱ्यास पोलिसांनी कुटुंबासमोर मारहाण केल्यामुळेच सदरील व्यापाऱ्याने आत्महत्या केली असल्याचा आक्षेप नोंदवून आमदार मेघना साकोरे-बोर्डीकर यांनी या प्रकरणाची सखोल चौकशी करून संबंधितावर कारवाई करण्याची मागणी त्यांनी शुक्रवारी (ता.२) पोलिस अधीक्षक यांच्याकडे केली आहे. 

सटवाईमाता मंदिर परिसरातील रहिवासी नारायण डोईफोडे (वय ३८) हे खेडोपाडी फिरूनव बाजारहाट करून किरकोळ कापड विक्रीचा व्यवसाय करत. त्यासाठी त्यांनी दहा लाखाचे कर्ज काढले. परंतु कोरोनाच्या पार्श्वभूमीवरील सततच्या लॉकडाऊनमुळे मागील वर्षभरापासून कापड विक्रीचा व्यवसाय बंद पडल्याने आर्थिक संकटात सापलेल्या डोईफोडे यांच्या समोर कुटुंबाच्या पालनपोषणासह कर्जफेडीचा प्रश्न ऊभा ठाकला.

अशा बिकट परिस्थितीतून मार्ग काढण्यासाठी त्यांनी त्यांच्या मुलासह घर परिसरात हातगाड्यावर भाजीपाला विक्रीच्या व्यवसायाला बुधवारी (३१ मार्च) ला सुरुवात केली. याच दरम्यान संचारबंदीचे कारण देत पोलिसांनी मुलासमोर तसेच कुटुंबियासमोर डोईफोडे यांना जबर मारहाण करून विक्रीचे साहित्य हिसकावून घेतले. पोलिसांच्या या क्रतीमुळे त्यांना मोठा धक्का बसून झालेला अपमान सहन झाला नसल्याने त्यांनी आत्महत्या केली असल्याचा आरोप त्यांच्या नातेवाईकांनी केला.

ही बाब अतिशय गंभीर असल्याने या प्रकरणाची सखोल चौकशी करून व्यापाऱ्याच्या आत्महत्येस जबाबदार ठरणाऱ्यांवर कारवाई करण्याची मागणी आमदार मेघना बोर्डीकर यांनी पोलिस अधीक्षक यांना केली आहे.
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com