Opposition MLA Bias: जिल्हा नियोजन निधी वाटपात विरोधी आमदारांना सापत्न वागणूक; मराठवाडा दुष्काळ, शेतकरी प्रश्नांसाठी रस्त्यावर उतरल्याचे स्वामींचे आरोप

उमरगा : धाराशिव येथे आयोजित करण्यात आलेल्या जिल्हा नियोजन समितीच्या बैठकीस मी अनुपस्थित राहिल्याने प्रसारमाध्यमांमध्ये उलट-सुलट चर्चा सुरू आहे. मात्र, सत्ताधाऱ्यांच्या उदासीन धोरणामुळे आणि निधी वाटपातील पक्षपातीपणामुळे शासकीय बैठकीपेक्षा जनतेच्या व शेतकऱ्यांच्या प्रश्नांसाठी रस्त्यावर उतरून आंदोलन करणे मला अधिक महत्त्वाचे वाटले, असे स्पष्टीकरण उमरगा-लोहारा मतदारसंघाचे शिवसेना (उद्धव बाळासाहेब ठाकरे) पक्षाचे आमदार प्रवीण स्वामी यांनी दिले आहे.