Motorcycle Collides With Bullock Cart
sakal
पाचोड - पैठणहून महाकाळा (ता. अंबड) येथे जाणाऱ्या भरधाव वेगातील दुचाकीने बैलगाडीला जोराची धडक दिल्याने दुचाकीवरील दोघेजण गंभीर जखमी झाल्याची घटना मंगळवारी (ता. १८) सायंकाळी सात वाजेच्या सुमारास पैठण-पाचोड राज्य महामार्गावर पाचोड (ता. पैठण) येथील रामानंद मंगल कार्यालयासमोर घडली. या अपघातात गणेश निवारे (वय-४६), रा. महाकाळा, (ता. अंबड, जि. जालना) व संदीप लक्ष्मण गाडेकर (वय-४७, रा. साष्टपिंपळगाव, (ता.अंबड, जि. जालना) हे दोघे गंभीर जखमी झाले आहेत.
