पाचोड : पैठणकडून पाचोडला जाणाऱ्या दुचाकीस पाठीमागून भरधाव वेगात येणाऱ्या अज्ञात वाहनाने जोराची धडक दिल्याने दुचाकीवरील एक जण जागीच ठार झाल्याची घटना गुरुवारी रात्री दहा वाजेच्या सुमारास पाचोड - पैठण रस्त्यावर नानेगाव पैठण शिवारात घडली..यासंबंधी अधिक माहिती अशी, दावरवाडी (ता.पैठण) येथील महाराष्ट्र हॉटेलचे मालक जीवन अशोक खांडे वय ३२ वर्ष व त्याचा मित्र नवनाथ कर्डीले (वय ३१) रा.नांदर पैठण हे दोघेजण काही कामानिमित्त प्लॅटिना दुचाकीवरून पैठणला गेले होते. ते आपले दिवसभराचे कामकाज आटोपून रात्री दहा वाजेच्या सुमारास आपल्या गावी परत येत असतांना नानेगाव पैठण शिवारातील परिवार ढाब्याजवळ पाठीमागून येणाऱ्या भरधाव वेगातील अज्ञात वाहनाने (क्र. एमएच २५ पी ४२०५) ने 'त्या' दुचाकीस जोराची धडक दिली..यांत जिवन अशोक खांडे (वय ३२) हा चेंडूसारखा उंच उडून रस्त्यावर पडून त्याच्या मेंदुला गंभीर मार लागून जागीच ठार झाला, तर नवनाथ कर्डीले हा गंभीर जखमी झाला. यावेळी पैठणकडून येणाऱ्या वाहनधारका सह ढाब्यावरील लोकांनी हा अपघात पाहून आपले वाहन थांबवून पाचोड पोलिसांना माहीती दिली..माहिती मिळताच पाचोड पोलिस ठाण्याचे सहाय्यक पोलिस निरीक्षक शरदचंद्र रोडगे, जमादार फेरोझ बरडे, गणेश बोरकर,विलास तांगडे आदींनी घटनास्थळी धाव घेतली. दोघांना पाचोड येथील ग्रामीण रुग्णालयात उपचारार्थ दाखल केले.उपस्थित वैद्यकिय अधिकारी डॉ. प्रकाश साबळे यांनी जिवन खांडे यांस तपासून मृत घोषित केले..तर नवनाथ कर्डिले यांस छत्रपती संभाजीनगर येथील रुग्णालयात पाठविले. या घटनेबद्दल सर्वत्र हळहळ व्यक्त करण्यात येत आहे. या अपघातातील दुचाकीचा पूर्णतः चुराडा झाला.अपघातानंतर संबंधीत वाहनधारकाने मदत करण्याऐवजी पळून जाण्यात धन्यता मानली. घटनास्थळी पोलिसांनी बारकाईने पाहणी केली असता एमएच २५ पी ४२०५ क्रमांक असलेली नंबर प्लेट सापडून आली. सदरील . नंबर प्लेटवरून पळून जाणाऱ्या वाहनास पकडण्यात यश मिळेल असे पाचोड पोलिसांनी सांगितले..शुक्रवारी सकाळी अपघातातील ठार झालेल्या जिवन खांडे याच्या मृतदेहाची डॉ. प्रकाश साबळे यांनी उत्तरणीय तपासणी केली. दुपारी दावरवाडी येथे शोकाकूल वातावरणात त्याचेवर अंत्यसंस्कार करण्यात आले. याप्रकरणी पाचोड पोलिस ठाण्यात अज्ञात वाहनधारका विरुद्ध गुन्हा दाखल करण्यात आला असून पुढील तपास फेरोझ बरडे करीत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
