MP Vasantrao Chavan : खासदार वसंतराव चव्हाण यांच्यावर शासकीय इतमामात अंत्यसंस्कार

नायगाव - तब्येत ठीक नसतानाही वैद्यकीय तपासण्या करत करत जिल्हात काँग्रेसला पुन्हा उभारी देण्याचे काम खासदार वसंतराव चव्हाण यांनी नांदेड जिल्ह्यात केले. पक्षातील शिलेदारांना सोबत घेऊन लोकसभा निवडणूक लढवली....दंड थोपटले.....जनमताच्या पाठबळावर निवडणुकीत बाजी मारली. लोकसभेच्या विजयाची ऐतिहासिक नोंद झाली..मात्र नियतीच्या मनात काहीतरी वेगळंच सुरू होते. वाढदिवसाच्या दोन दिवस अगोदर रूग्णालयात उपचारासाठी दाखल करण्यात आले. ता. २६ ची सकाळ जिल्ह्यांसाठी दुःखद बातमी घेऊन आली. वसंतराव चव्हाण यांची १३ दिवसांपासून सुरू असलेली मृत्यूशी झुंज आज अखेर अपयशी ठरली.खासदार वसंतराव चव्हाण यांची राजकीय कारकीर्द मोठी राहीली आहे १६ वर्षे आमदार म्हणून नायगाव विधानसभा मतदार संघाचे त्यांनी नेतृत्व केले. मा.आमदार कै.बळवंतराव पाटील चव्हाण यांचा राजकीय वारसा वसंतराव चव्हाण यांनी तितक्याच ताकदीने पुढे चालविला. राजकारण करत करत त्यांनी या भागात आपल्या कार्याचा वेगळा ठसा उमटविला सर्वांना आपलेसे केले. सर्वांच्या सुखदुःखात धावून येणारा नेता म्हणून चव्हाण यांची ख्याती होती. वसंतराव म्हणजे नायगाव... नायगाव म्हणजे वसंतराव चव्हाण हे समिकरण बनले होते..वसंतराव चव्हाण यांच्या पन्नास वर्षांच्या राजकीय प्रवासात नुकतीच झालेली लोकसभा निवडणुक खऱ्या अर्थाने राजकीय संघर्षाची ठरली. ज्यांच्या नेतृत्वाखाली राजकीय प्रवास सुरू आहे त्यांच्याच विरोधात उभे राहण्याची वेळ आली. राज्याच्या राजकीय पटलावर चर्चेच्या केंद्रस्थानी आले. कारण नांदेड जिल्ह्यात बदललेल्या राजकीय घडामोडीत माजी मुख्यमंत्री अशोकराव चव्हाण यांनी भाजपात प्रवेश केला.यामुळे आता जिल्हा पुर्ण भाजपामय होणार अशा चर्चा रंगल्या. जिल्ह्यात काँग्रेसच्या पडत्या काळात पक्षाला जिल्ह्यात उभारी देण्यासाठी वसंतराव चव्हाण यांनी शिवधनुष्य उचलले. निष्ठावंत मावळ्यांना सोबत घेऊन पक्षाची पत राखली. ज्यांच्या नेतृत्वाखाली वसंतराव चव्हाण यांचा राजकीय प्रवास सुरू होता त्याच्यांच विरोधात उभे राहावे लागले..प्रत्येक निवडणुकीत जय पराजय होत असतोच मात्र नांदेड ची लोकसभा निवडणुक वसंतराव चव्हाण यांनी लढवली. समोर विद्यमान खासदार प्रतापराव पाटील चिखलीकर आणि सोबतीला माजी मुख्यमंत्री अशोकराव चव्हाण यांची साथ यामुळे येथील निवडणूकीचा निकाल काय असेल हे निवडणुकी अगोदरच काहींनी लावला होता.आरोप प्रत्यारोपांच्या फैरी झडत असताना वसंतरावाची तब्येती संदर्भात बोलण्यात आले. त्यांनी न डगमगता कोणाची आणि कश्याची पर्वा न करता वसंतराव दंड थोपटले. आणी लोकसभेचे मैदान जनमानसांच्या पाठबळावर गाजविली जनमत पाठीशी असल्याने कोणाचीही जादू या मतदारसंघात चालली नाही..वसंतराव चव्हाण खासदार झाले काँग्रेस कार्यकर्त्यांना नेता मिळाला सर्व काही पक्षासाठी सुरळीत सुरू होते. विधानसभा निवडणुकीची जबाबदारी खासदार चव्हाण यांच्या कडे होती. दुसरीकडे नियतीच्या मनात काहीतरी वेगळंच होतं १३ ऑगस्ट रोजी वसंतराव चव्हाण यांची तब्येत बिघडली त्यांना विमानाने हैदराबाद येथील रुग्णालयात दाखल करावे लागले..तब्बल १३ दिवस खासदार वसंतराव चव्हाण यांनी मृत्यूशी झुंज देत राहिले. काल सोमवारी सकाळी पहाटे त्यांची प्राणज्योत मालवली आणि दुःखांचा डोंगर कोसळला. गल्ली पासून दिल्ली पर्यंत गाजलेल्या नांदेड लोकसभा निवडणुकीत दणदणीत विजय प्राप्त केल्यानंतर खासदार वसंतराव चव्हाण यांना खासदार म्हणून जवळपास तिन महिनेच काम करता आले. खासदार वसंतराव चव्हाण यांच्या निधनामुळे लढवय्या व हक्काचा नेता गमावला असल्याने नायगाव शोकसागरात बुडाला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.