MSRTC Employee Salary : कर्मचारी वेतनासाठी राहणार वेटिंगवर; महामंडळाला अध्यक्ष कधी मिळणार?

कळंब : एसटी महामंडळाच्या अध्यक्षाची निवड होईपर्यंत महामंडळाच्या एसटी कर्मचाऱ्यांना त्यांच्या हक्काच्या वेतनासाठी वेटिंगवर राहावे लागणार आहे. महिन्याच्या ७ तारखेपर्यंत एसटी कर्मचाऱ्यांच्या हातात त्यांचे वेतन पडत होते. कर्मचाऱ्यांना आधीच पगार तोकडा..त्यात महिन्याचा पगार अद्यापही हातात न पडल्याने त्यांच्या कुटुंबावर उपासमारीची वेळ आली आहे. त्यामुळे महामंडळाचे व्यवस्थापकीय प्रशासक कर्मचाऱ्यांच्या पगारीबाबत काय निर्णय घेते? या भूमिकेकडे कर्मचाऱ्यांचे लक्ष लागले आहे..शासनाच्या अधिनस्त असलेल्या विविध विभागातील अधिकारी, कर्मचाऱ्यांचे पगार झाला आहे. एकमेव एसटी महामंडळ असे आहे की, एसटी महामंडळाचे अध्यक्ष कोण? हे खाते कुणाकडे जाणार, कोण पदभार घेणार? यात कर्मचाऱ्यांचा पगार लटकला आहे.महामंडळाच्या कर्मचाऱ्यांना पगार मिळाला नसल्याने गरजाही पूर्ण करता येत नाहीत. प्रापंचिक गरजा वाढल्या आहेत. त्यामुळे करावे काय, असा सवाल एसटी कर्मचाऱ्यांना पडला आहे..एसटी कर्मचाऱ्यांना नोव्हेंबर महिन्याचा पगार मिळालेला नाही. त्यामुळे कुटुंबाच्या गरजा भागवता येत नाहीत. अशावेळी जगावं की मरावं असा प्रश्न पडत असल्याची खंत एसटी कर्मचाऱ्यांनी बोलून दाखवली आहे.मंत्री मिळाल्यानंतर पगार होणारमुख्यमंत्री देवेंद्र फडणवीस यांचा शपथविधी झाला. मंत्रिमंडळ विस्तार झाल्यानंतर महामंडळ खाते कुणाकडे जाते? त्यावर अवलंबून असून यानंतर एसटी महामंडळाच्या कर्मचाऱ्यांच्या वेतन संचिकेवर सह्या होऊन नंतर पगार होणार, असे एका एसटी महामंडळाच्या अधिकाऱ्यांनी सांगितले..Beed Crime : ‘पवनचक्की कंपनी व काँट्रॅक्टरवर खुनाचा गुन्हा नोंदवा’.एसटी महामंडळाच्या वाहक, चालक तसेच अन्य कर्मचाऱ्यांना नोकरी शिवाय अन्य पर्याय नाही. उत्पन्नाचे अन्य साधन नसल्याने प्रापंचिक गाडा कसा हाकावा, असा मोठा प्रश्न कुटुंबीयांना पडत आहे. तुटपुंजा पगार मिळतो. त्यातही सातत्य नसते. मध्यंतरी महिन्याच्या सात तारखेला पगार मिळेल, अशी व्यवस्था करण्याचे निर्देश देण्यात आले होते. त्यानंतरही उशीर होतो.- गुंडू आडसूळ, चालक, कळंब..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.