Mahadev Munde Case : मुंडे कुटुंबीय डीवायएसपींच्या भेटीला, पोलिसांनी काय दिले आश्वासन?

बीड : सव्वा वर्षापूर्वी परळीत झालेल्या महादेव दत्तात्रय मुंडे यांच्या खुनाचा तपास आता अंबाजोगाईचे उपविभागीय पोलिस अधिकारी अनिल चोरमले करत आहेत. सोमवारीमुंडे कुटुंबीयांनी चोरमले यांची भेट घेतली..परळी तालुक्यातील भोपळा येथील रहिवासी व व्यवसायानिमित्त परळीत वास्तव्यास असलेल्या महादेव मुंडे या व्यक्तीचा ता. २२ ऑक्टोबर २०२३ रोजी परळी तहसीलजवळ खून झाला होता. घटनेला १५ महिने लोटले तरी तपास होत नव्हता..या प्रकरणात विविध तपास अधिकारीही बदलले तरी घटनेचा छडा आणि आरोपींचा शोध लागला नाही. दरम्यान, संतोष देशमुख खून व पवनचक्की खंडणी प्रकरणामुळे या प्रकरणाला वाचा फुटली. भाजप आमदार सुरेश धस यांनी हे प्रकरण लावून धरले..शनिवारी या खून प्रकरणाचा तपास पोलिस अधीक्षक नवनीत कॉवत यांनी अंबाजोगाईचे उपविभागीय पोलिस अधिकारी अनिल चोरमले यांच्याकडे दिला..त्यानंतर सोमवारी महादेव यांच्या पत्नी ज्ञानेश्वरी यांनी नातेवाइकांसह चोरमले यांची भेट घेतली. आता निष्पक्ष तपास होईल व आपल्याला न्याय मिळेल, अशी भावना त्यांनी व्यक्त केली..ज्ञानेश्वरी मुंडे यांचं म्हणणं काय?मयत महादेव मुंडे यांच्या पत्नी ज्ञानेश्वरी मुंडे यांनी तीन दिवसांपूर्वी माध्यमांना दिलेल्या मुलाखतीमध्ये भूमिका मांडली होती. त्या म्हणाल्या की, ''माझा भाऊ राजकारणात आहे. माझ्या पतीचा खून त्याच्याशी संबंधित कुणी केलाय का किंवा आर्थिक कारणातून झालाय का, हे कळत नाहीये. त्या माणसाला काहीही टेन्शन नव्हतं. हसत-खेळत गेलेला माणूस असा कसा गेला, असा प्रश्न पडतोय. घटनेमध्ये ३०२चं कलम लागलं होतं. सगळं प्रकरण माझा भाऊ बघत होता, त्यामुळे मला पोलिस ठाण्यात जाणयाची गरज पडली नव्हती. नंतर माझा भाऊ शांत बसला, तो का शांत बसला, हे मला माहिती नाही.''.''माझा भाऊ शांत झाल्यामुळे मी आरोपी शोधून काढण्यासाठी पीआयकडे गेले. सध्याचे जे पीआय आहेत, तेच पीआय होते. ते मला म्हटले की, कलमं बदलले आहेत.. आता काहीच होऊ शकत नाही. काही करायचं असलं तर मागेच करायला पाहिजे होतं. आता कलमं बदलले आहेत. बरं कलम बदलले म्हणून आरोपी सापडायचे नाहीत का? कलमं बदलले म्हणून न्याय देता येत नाही का? हा कोणता न्याय आहे?''.''पोलिसांनी त्यांच्या वर्दीची ताकद दाखवायला पाहिजे होती. त्यांच्या नातेवाईकांसोबत असं झालं तर असतं तर ते शांत बसले असते का? हाच माझा प्रश्न आहे. सुरेश धस यांनी बाजू मांडली, हा आशेचा किरण आहे. त्यांनी केलं ते चांगलंच केलं. त्यांनी मराठा-वंजारी असा मतभेद केला नाही. वंजारा असो की मराठा गुन्हा झालाय, त्याचे आरोपी पाहिजेत, अशी भूमिका त्यांनी मांडली आहे. त्यांच्यामुळेच मी समोर आले आहे. माझ्या लेकरांचा बाप गेला आहे. त्यामुळे आरोपी सापडलेच पाहिजेत. या प्रकरणी मी मुख्यमंत्री, पालकमंत्री यांची भेट घेणार आहे.'' असं ज्ञानेश्वरी मुंडे म्हणाल्या..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mahadev Munde Case : मुंडे कुटुंबीय डीवायएसपींच्या भेटीला, पोलिसांनी काय दिले आश्वासन?

Related Stories