अनैतिक संबंधातून गेवराईत पत्नीच्या प्रियकराचा खुन | Sakal
sakal

बोलून बातमी शोधा

Murder crime

अनैतिक संबंधातून गेवराईत पत्नीच्या प्रियकराचा खुन

गेवराई (जि. बीड) - पत्नीसोबत एकाचे अनैतिक संबंध असल्याने संतापलेल्या पतीने पत्नी व तिच्या प्रियकरावर धारदार शस्त्राने वार केले. यामध्ये गंभीर जखमी झालेल्या प्रियकराचा जागीच मृत्यू झाला. तर महिला गंभीर जखमी झाली. ही घटना तालुक्यातील तळणेवाडी येथे गुरुवारी (ता. १४) रात्री उशिरा घडली. बबन ज्ञानोबा खरखाडे (वय ४५) असे ठार झालेल्या व्यक्तीचे नाव आहे. तर आरोपी रामेश्वर गिते हा घटनेनंतर फरार झाला होता. दरम्यान तो स्वतःहून रात्री उशिरा शेवगाव (जि. नगर) पोलिस ठाण्यात हजर झाला. पोलिसांनी त्याला ताब्यात घेतले आहे.

याबाबत पोलिसांनी दिलेली माहिती अशी, तालुक्यातील तळणेवाडी येथे आरोपी रामेश्वर गिते हा कुटुंबासह वास्तव्यास आहे. दरम्यान त्याची पत्नी व बबन खरखाडे यांचे अनैतिक संबंध असल्याचा त्याचा संशय होता. त्याने या दोघांवर गुरुवारी रात्री प्राणघातक हल्ला केला. धारदार शस्त्राने वार केल्याने या हल्ल्यात बबन खरखाडे यांचा जागीच मृत्यू झाला. तर महिला गंभीर जखमी झाली असून तिला गेवराई येथील एका खाजगी रुग्णालयात दाखल करण्यात आले आहे. घटनेनंतर आरोपी रामेश्वर गिते हा फरार झाला होता. रात्री स्वतःहून तो शेवगाव पोलिस ठाण्यात हजर होऊन गुन्ह्याची कबुली दिली. दरम्यान घटनेची माहिती मिळताच गेवराई पोलिसांनी घटनास्थळी धाव घेऊन पंचनामा केला आहे.

Web Title: Murder Of Wifes Lover In Gevrai Due To Immoral Relationship

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..