Nanded News
esakal
नांदेड: जिल्हा प्रशासनाकडून नांदेड जिल्ह्यात घरगुती गॅस सिलिंडरचा पुरवठा पुरेसा असल्याचे सांगितले जात असले, तरी प्रत्यक्षात शहरातील अनेक गॅस एजन्सीसमोर गुरुवारी पहाटेपासूनच नागरिकांच्या मोठ्या रांगा दिसून आल्या. सिलिंडर मिळेल की नाही या भीतीमुळे नागरिक मोठ्या संख्येने एजन्सीकडे धाव घेत असल्याचे चित्र आहे.
प्रत्यक्षात घरगुती गॅस पुरेसा उपलब्ध असल्याचे प्रशासन सांगत असताना रांगा लागण्यामागे काळाबाजाराचेही कारण असू शकते, अशी चर्चा आहे. नांदेड शहरात एक हजारपेक्षा अधिक हॉटेल्स, मेस व खानावळी, भोजनालये सुरू आहेत. या ठिकाणी व्यावसायिक गॅसऐवजी घरगुती गॅस सिलिंडरचा सर्रास वापर होत असल्याचे दिसून येते. अनेक वर्षांपासून हा प्रकार सुरू असला तरी याबाबत कारवाई अत्यल्प प्रमाणात झाली आहे.