Paithan Wildlife Crime: पैठण तालुक्यात राष्ट्रीय पक्षी मोराची निर्घृण हत्या; संतप्त ग्रामस्थांकडून दोघांना चोप, वनविभागाचा तपास सुरू

रविंद्र गायकवाड

बिडकीन : पैठण तालुक्यातील चितेगाव–बोकुड जळगाव रोडलगत पांगरा शिवारात गट क्रमांक १० मध्ये अत्यंत संतापजनक घटना उघडकीस आली आहे. दोन तरुणांनी भारताचा राष्ट्रीय पक्षी असलेल्या मोराला पकडून त्याच्या डोक्यात काठी मारत निर्घृणपणे ठार केल्याची धक्कादायक माहिती समोर आली आहे. या घटनेमुळे परिसरात संतापाची लाट उसळली आहे. हि घटना आज ता. ‌२३ रोजी दुपारच्या वेळी घडली आहे.