गेवराई - सर्दी ताप झाल्याने ते अंगावर काढल्याने गेवराईतील शिक्षकासह श्वसनाचा त्रास झाल्याने छत्रपती संभाजीनगर येथील खासगी रुग्णालयात उपचार सुरु असताना मृत्यू झाल्याची घटना काल शुक्रवारी रात्री साडे दहा वाजेच्या सुमारास घडली.
सुरेश भीमराव जाधव (वय-५५) रा. वावरे अंतरवाली, हल्ली मुक्काम गेवराई, जि. बीड असे मृत शिक्षकाचे नाव आहे. मागील पंधरा दिवसापूर्वी त्यांना सर्दी ताप आल्याने त्यांनी गेवराईतील एका डॉक्टर काही टॅब्लेट (गोळ्या) घेतल्या.
यामुळे त्यांना थोडा आराम मिळाल्याने ते जयभवानी शिक्षण प्रसारक मंडळाच्या रामपुरी माध्यमिक विद्यालयात पर्यवेक्षक (सुपरवायझर)पदावर असल्याने शाळेवर ये-जा करत होते.मात्र, औषधी संपल्यानंतर त्यांना पुन्हा ताप आला. दोन ते तीन दिवस घरी आराम केला.
परंतू सुरेश जाधव यांना श्वसनाचा त्रास होऊ लागल्याने आठ दिवसापूर्वी छत्रपती संभाजीनगर येथील एका खासगी रुग्णालयात उपचारास दाखल करण्यात आले. मागील आठवड्यापासून उपचार सुरु होते. दोन दिवसात त्यांना श्वसनाचा आधिकचा त्रास होत असल्याने व्हेटींलेटरवर ठेवले. मात्र शिक्षक सुरेश जाधव यांची तब्येत काल शुक्रवारी रात्री अचानक बिघडल्याने त्यांना साडे दहा वाजेच्या सुमारास मृत्यू झाला.
दरम्यान, जानेवारीच्या २३ तारखेला जातेगाव येथील विजय धोंडरे या युवकाने सर्दीचे दुखणे अंगावर काढल्याने त्याचा मृत्यू झाला होता. तोच सुरेश जाधव यांचा काल रात्री सर्दी ताप अंगावर काढल्याने त्यांच्या जीवावर बेतले. आज वावरे अंतरवालीत त्यांच्या पार्थिवावर अंत्यसंस्कार करण्यात आले असून, त्यांच्या पश्चात तीन भाऊ, पत्नी, एक मुलगा, दोन मुली असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.